Tji matu lese Ombeibela, eṱe matu yenene okumuna mo ovihuze indu tji matu tjiti omakonḓononeno. Eṱe matu yenene vi okumuna mo ouwa?

Yandja ombango koviṋa avihe mbi ri mehongwa rOmbeibela ndi mo konḓonona. Otjotjihorera, tara kutja ouṋe ngwa tjanga orupa ndwo, aa tjangere uṋe nu oruṋe tja tjanga orupa ndwo. Omutjange ngo wa ri mongaro iṋe, ovikwaye mbya tjitwa komurungu wanao, nu ovikwaye mbya tjitwa kombunda yanao?

Ripura ohunga nomapu ngu mo yenene okurihonga mokuripura omapuriro tjimuna nga: ‘Ovandu mbu mo lese aa fula vi? Owo va ri novikaṋena viṋe? Ongwaye tji me sokuhorera kovikaṋena mbyo poo ongwaye tji mbi ha sokuhorera kovikaṋena mbyo?’

Ungurisa oviṋa mbi we rihongo motjiungura tjokuzuvarisa poo indu tji mo ungura pu novandu varwe. Tji wa tjiti nao mo rire onongo. Ombeibela i tja: “Imba mbe nozondunge ngave ṱakamise oviṋa mbi.”—Eps. 107:43.

• Ondunge: Tara omuano orupa ndwi, Ovihuze okuza mEmbo ra Mukuru, ndu tu ungura mokati kotjivike, mu ru tu vatera okuripura ohunga nomuano mu matu yenene okuungurisa oviṋa mbi matu rihongo. Orupa ndwi ru kara nomapuriro ngu matu yenene okuripura oveni, omapu ngu matu yenene okuripurira ko oukoto, noviperendero mbi matu yenene okukonḓonona.