Hapo wa lesa nawa oumbo wOruhungu mbwa pitisiwa ombura ndji? Ngatu tare kutja mo yenene okuzira omapuriro ngu maye kongorere mba:

Hapo matu sokutjinda vi Ovakriste ovatwirisiwa?

Eṱe matu sokukara nondangi kongamburiro yawo, posi yokutja katu sokuvepa ombango tjinene. Matu sokutjevera kutja atu ha ‘hivirike ovandu.’ (Judas 16, EEP) Eṱe katu sokuvepura omapuriro omakoto ohunga nomaundjiro wawo.—w20.01, omuk. 29.

Otjikwaye tji matji ku raisire kutja Jehova u ku tjiwa kourike woye?

Ombeibela i raisa kutja Jehova we ku muna nandarire ngunda au hiya kwatwa. Nu u puratena kozongumbiro zoye. Eye ma tjiwa oviṋa mbi ri momutima nomeripura woye, nu ovitjitwa vyoye vi ṱuna ku ye. (1 Ekuruh. 28:9; Omiano 27:11) Jehova we ku nanena ku ye.—w20.02, omuk. 12.

Ovihorera viṋe mbi raisa kutja oruṋe tji matu sokuhungira nu oruṋe tji matu sokumwina?

Eṱe tu kara nondjoroka okuhungira ohunga na Jehova. Eṱe tu hungira indu tji matu munu kutja omundu ma tjiti otjiṋa tji matji tjiti kutja ma tjite ondataiziro onene. Ovanene vombongo ve hungira indu tji mave hepa okuyandja omavyuriro. Eṱe katu sokuhungira ohunga nomuano otjiungura tjetu mu tji kayendisiwa momahi oviungura vyetu mu vya tjaerwa. Nu wina katu hungire ohunga noviṋa oviundikwa.—w20.03, omuk. 20-21.

Hapo ozombahu nḓe ri mu Joel ekondwa 2 za panguka vi ku inḓa nḓe ri mOmavandururiro ekondwa 9?

Joel 2:20-29 ri tja Mukuru ma ramba ozombahu nu wa kwizika kutja ma sutu omanyoneno nga yetwa i yozombahu. Kombunda yanao, Eye me ve tirire ombepo ye. Oviṋa mbyo vya yenenisiwa indu Babilon tji tja wira Israel nokombunda yanao. Omavandururiro 9:1-11 ri hungira ohunga novatwirisiwa moruveze ndwi mbe ri tjimuna ozombahu. Mena rokutja ve zuvarisa omayandekero wouye ourunde mbwi, tji tji tjita kutja imba mbe yandja oruvara kouye mbwi ve kare nongendo.—w20.04, omuk. 3-6.

Ouṋe ngu ri ombara yokomanene wehi ndino?

Ombara yokomanene wehi oRussia na imba mbe yandja oruvara ku yo. Owo ve ṋiṋikiza ovakarere va Mukuru, mokutjaera otjiungura tjokuzuvarisa nokutonda Ovahongonone va Jehova. Ombara yokomanene wehi i kondja okurira onamasa pombara yokomamuho wehi.—w20.05, omuk. 13.

Hapo ovikaṋena mbi ri mOvagalate 5:22, 23 ombi ri “ovihape vyOmbepo” uriri?

Kako. Ombepo ondjapuke i tu vatera kutja tu kare novikaṋena vyarwe tjimuna okutjita ousemba. (Ef. 5:8, 9)—w20.06, omuk. 17.

Oumba waye mbu matu munu mokutwako oviṋa ohunga na eṱe korungovi?

Oviṋa mbi wa twa korungovi vi raisa kutja oove omurihive poo oove omurisusuparise.—w20.07, omuk. 6-7.

Ovazuvarise Ovakriste mave rihongo tjike kovapate womahundju ovawa?

Ovapate womahundju ovawa ve ungura moiri noruveze ndu mape ya ave munu omahundju. Owo va hongwa okuungurisa oviungurisiwa vyawo nawa. Nu ve ungura nouvanḓe nandarire tji ku nomuinyo weyuru omuvi. Eṱe wina matu yenene okutjita nao motjiungura tjetu tjokuzuvarisa.—w20.09, omuk. 5.

Ovikwaye mbi mavi yenene okuvatera ovahongwa vOmbeibela okukurisa orusuvero rwawo ku Jehova?

Eṱe matu yenene okuvetunduuza okulesa Ombeibela eyuva arihe nokuripurira ko oukoto ku imbi mbi mave lese. Nu wina matu yenene okuvehonga okukumba.—w20.11, omuk. 4.

Oouṋe mba hungirwa mezeva ndi mari tja: “Avehe opunga amave pendurwa movakoke motjimbe tja Kristus”?—1 Kor. 15:22.

Omuapostele Paulus ka hee kutja ovandu avehe mave pendurwa. Eye aa hungirire kOvakriste ovatwirisiwa, “imba mba isanewa okurira otjiwaṋa otjiyapuke tja Ndjambi, tji tji ri otje mu Kristus Jesus.” (1 Kor. 1:2; 15:18)—w20.12, omuk. 5-6.

Imba ovatwirisiwa mave tjiti vi kombunda ya indu tji va ‘tjitukisiwa pohiva osenina tjimanga mombapaiziro yeho’?—1 Kor. 15:51-53.

Owo mave kahonaparera oviwaṋa nokati kotjitenda puna Kristus. (Omavan. 2:26, 27)—w20.12, omuk. 12-13.