JESUS wa tja: “Mokuyandja mu nenyando tjinene pokupewa.” (Oviung. 20:35) Ouatjiri mbo wina u ṱuna koupanga wetu na Jehova. Omena raye? Jehova wetu pa oviyandjewa ovingi mbi tu yorokisa, posi yokutja matu munu ondjoroka tjinene mokuyandja otjiyandjewa ku Jehova. Nu hapo oviyandjewa viṋe mbi matu yenene okuyandja ku Jehova? Omiano 3:9 ri tja: “Yozika Muhona mokumupunguhira ovitengakuhora vyovihape vyoye avihe.” “Ovitengakuhora vyovihape” vyetu vi kamburira mo oruveze rwetu, ondjiviro yetu, omasa wetu, novimariva vyetu poo omawini wetu. Indu tji matu ungurisa oviṋa mbyo okukaendisa omerikotameno wouatjiri, tu yandja otjiyandjewa ku Jehova, nu okutjita nao ku tu etera ondjoroka tjinene.

Indu tji twe ya pokuungurisa ovimariva vyetu, otjikwaye tji matji tu vatere okuhinokuzemba okuyandja otjiyandjewa ku Jehova? Omuapostele Paulus wa raera Ovakorinte kutja nga ve “horeke otjimariva” otja oviyandjewa. (1 Kor. 16:2) Tji mo vanga ondjivisiro yokomurungu komuano wokuyandja otjimariva tjouharupu mbu yakurwa mehi reṋu, arikana tara kokaongo ku keri kehi mba.

Omahi tjiva uriri nge yakura oviyandjewa vyouharupu okupitira morungovi. Nungwari, ondjivisiro ohunga nokuyandja oviyandjewa momuano warwe i yenena okuvazewa korungovi ndwi donate.dan124.com. Momahi tjiva, morungovi ndo muna orupa ndu zira omapuriro nge purwa tjinene ohunga nokuyandja oviyandjewa vyouharupu.