Omaprofetero 2. Ondjara

“Mape kara ozondjara.”—MARKUS 13:8, EEP.

● Omurumendu ma paha ombatero moQuaratadji tja Niger. Omuhoko we tjimuna ovaramwe, omarumbi we novaṱena wina va taurire ngo mena rondjara. Posi yokutja, omurumedu ngwi wa rara erike pokamata pehi. Omena ratjike tje ri erike? Sidi omunane wotjirongo ho, ma tja: “Eye ke nokuyenena okuyandja ovikurya keṱunḓu re nu ke nokuyenena okuvetara momeho.”

HAPO OMAPU YEṊE NGU MAYE ṊUNISA OTJIṊA HI? Mouye, ape omundu 1 movandu 7 kamunu ovikurya mbya yenene okurya meyuva. MoAfrica okuyaruka kehi, otjivarero tji ri kombanda tjinene mena rokutja omundu 1 movandu 3 kakara novikurya okurya oure woruveze orure. Kutja u zuve nawa otjiṋa hi, ripura neṱunḓu mu muna ihe, ina, nokanatje. Indu tji pe novikurya mbya yenene kovandu 2 uriri, ouṋe ngu ma ṱondjara? Oihe? oina? poo okanatje? Omaṱunḓu mu mu nouzeu otja imbwo ye muna omatokero ngo eyuva arihe.

OVANDU OVENGI VE PIRURA VI OUMUNE MBWO? Owo ve tja, ehi riyandja ovikurya mbya yenene kovandu avehe. Kunao, oviṋa mbi sokuvatera ovandu ombi hepa okuungurisiwa nawa.

HAPO OUMUNE MBWO OUATJIRI? Otjingaperi kutja, ovandu nai mbe nondjiviro movikunwa mave yenene okukuna ovikurya ovingi nokuvitwara kovandu. Posi yokutja, ozohoromende onḓu maze sokuhaṋa ovikurya mbi, kutja ape hakara ondjara. Nandarire kehi yozongondjero nḓa kara po oure wozombura ozengi, ozohoromende kaze ya yenenisa ondando yazo ndjo.

HAPO OVE U NOUMUNE UṊE? Hapo Markus 13:8 ra yenenisiwa? Hapo oviungurisiwa vyouye wa kandino vi yenena okuisapo ouhepe wovikurya mbu ṱuna kovandu mouye ndino?

Omanyinganyingiro wehi nondjara ooviṋa mbi raisa kutja tu ri momayuva omasenina okukapita omauzeu warwe ngu tu muna.

[Blurb]

“Omuatje 1 movanatje 3 na kombanda yanao, mbe ṱa i yotjindjumba otjizeu, omupito nomitjise vyarwe, katja ve ṱa andakuzu ve muna ovikurya mbya yenene.”​—ANN M. VENEMAN, NGWA RI ODIRECTOR MO UN CHILDREN’S FUND.

[Picture Credit Line]

© Paul Lowe/​Panos Pictures