Fiji

• Kena Hari Empat, 17 Disember 2020, Ribut Yasa mangka Vanua Levu, pulau kedua pemadu besai ba menua Fiji

• Ari semua ribut ke kala mangka Fiji, Yasa meh kedua pemadu balat dalam sejarah. Nitihka riput, angin bepuput enggau penyampat 260 km/j (tauka 161 batu per jam)

• Abis nadai 30 eklisia enggau raban mit bisi ba endur ke ditinggang penusah ribut tu

• Nadai seiku pan ari menyadi kitai bakal

• Riput keterubah nunjukka bisi 20 ruang bilik Saksi ke dipindah ari rumah diri

• Ribut nya ngerusakka mayuh umai, lalu umai nya ngasilka pemakai ke diempa 430 iku penginjil ba endur nya

• 10 buah rumah menyadi abis rusak

• 25 buah rumah rusak

• Sebuah Palan Gempuru bisi rusak mimit

• Pampang Opis Fiji udah numbuhka tiga iti Komiti Tulung Pengerusak Alam (DRC). Tiap iti DRC nya nyediaka bantu ke diguna bala penginjil ke ditinggang penusah, nyengkaum ai beresi ke ulih diirup, gari, pemakai sereta kimis kena beteduh. Kelimpah ari nya, DRC mega nentuka bala menyadi ke ngerarika diri ari rumah, bisi endur alai diau sementara

• Bala pengari Pampang Opis Fiji sereta bala tuai ti ngabas ari endur nya, datai meransang bala menyadi kitai ba dia

• Semua menyadi kitai ke meri bantu sereta datai meransang nitihka iring ngambika nyaga pengelikun ketegal pengeleki penyakit COVID-19

Taja pan bala menyadi kitai lenyau rumah enggau pemisi diri, sida ngasaika pengamat jaku ba Masmur 46:1 ti madah, ‘Petara endang pengelindung kitai.’