Kena pun bulan Julai 2020, ujan bangat balat nyadi ba Jepun ari ke biasa. Tu ngujungka ampuh bah sereta tanah tusur ba Kyushu, Jepun. Kelebih agi, pengerusak alam tu udah balat ninggang bala menyadi kitai ke diau ba nengeri Minamata sereta Hitoyoshi ba begian Kumamoto, sereta nengeri Omuta ba begian Fukuoka. Nadai seiku pan Saksi Jehovah bebadi, tang bisi seiku menyadi lelaki sereta seiku menyadi indu ke bakal mimit. Kelimpah ari nya, 48 buah rumah menyadi kitai, sereta dua buah Palan Gempuru, rusak laban bah tu. Bisi mega dua buah Palan Gempuru ke rusak ketegal tanah tusur.

Suba, Pampang Opis Jepun numbuhka Komiti Tulung Pengerusak Alam Kyushu/Okinawa ngambika meri bantu ketegal penusah COVID-19. Tang diatu, komiti nya meri bantu ngagai bala menyadi ke ditinggang penusah ampuh bah. Pengari ari LDC sereta bala tuai ti ngabas ba endur nya sama betulung ba pengawa meri bantu ti patut diperumbanka.

Kitai besampi ngagai Jehovah ti “pun pengeliat ati enggau peransang,” ngambika terus nyukung bala menyadi kitai ke kena pengerusak alam tu.—Rome 15:5.