Kena 28 Ogos 2019, sungai Talomo ba Menua Davao ampuh ketegal ujan bangat, lalu ngujungka endur tu ampuh bah. Nitihka riput ari perintah, bisi 545 iti ruang bilik dipindahka ngagai endur ti likun.

Pampang opis Pilipina madahka, bisi 120 iku penginjil, enggau 5 iti eklisia kena laban penusah tu. Mayuh ari sida patut diau kunsi ba Palan Gempuru menua nya. Ampuh tu ngujungka tiga buah rumah menyadi kitai rusak, lalu empat buah da agi rumah balat rusak.

Pampang opis ngatur Komiti Tulung Pengerusak Alam kena meri bantu ngagai bala menyadi ke nyadi mansa penusah tu. Komiti tu mega nyediaka bantu utai ke diguna, sereta meresi rumah menyadi kitai ke kena penusah.

Kitai besampi ngambi bala menyadi kitai ba Menua Davao bulih pengelantang ari pengerindu ke diayanka bala menyadi ke bukai, taja pan sida benung napi penusah.—Rome 12:10.