Kena 23 Oktober 2020, Kot Menua Oktyabrsky ba Kirov ngumbai Anatoliy besalah lalu meri iya ukum mayar ganti rugi enggau penyampau 500,000 rubles ($6,552 U.S. tauka RM26,355). Iya ulih ngapil pemutus tu dalam timpuh sepuluh hari.

Lebuh Menyadi Anatoliy meri jaku penutup ngagai kot, iya madah: “Aku ngasaika, sekumbang kes tu piak ti bekuasa baka ke madahka aku: ‘Enti nuan enda ngelengkaka pengarap nuan. . . nuan deka balat diukum di mua orang mayuh.’ . . . Tuan, aku kala nyebut munyi tu ba hari ti keterubah kes tu dipechara, lalu aku deka nandu baru saritu, aku enda ulih ngelengkaka pengarap aku ngagai Petara. . . . Amat, aku enggau semua Saksi-Saksi Jehovah ke bukai takut dijil tauka dibunuh. Lalu lebuh piak bekuasa ngumbai aku ‘ekstremis’, sida ngenyai nama aku ba mua orang mayuh, taja pan aku sigi enda besalah. Taja pia, tuan, aku enda ulih ninggalka Petara aku, enggai ke aku lenyau pengerindu Iya ke aku.”