•  Nama kebuah apai indai masuk champur?

•  Utai ke ulih digaga nuan

•  Nama ku nembiak serambau nuan

 Apai indai madahka diri ibuhka nuan. Tang nuan ngasaika sida enda bebasaka privasi nuan. Sida selalu deka masuk champur pasal pengidup nuan. Chunto iya:

•   “Apai minta handphone aku, lalu minta password, udah nya macha semua mesej aku,” ku seiku nembiak ke benama Erin. “Nya alai, aku nguji ngetanka diri empu, lalu iya nyangka aku belalaika utai ari iya.”

•   Denise ke beumur urung 20 taun, ngenang baru utai ke digaga indai iya. “Indai deka beratika tiap iti lumur talipun dalam bil talipun kami. Udah nya iya nanya, aku bejaku enggau sapa sereta pasal nama.”

•   Seiku nembiak ke benama Kayla madahka indai macha diari iya. “Aku udah mansutka semua asai ati aku dalam diari nya, indah pasal indai aku! Pengudah nya, aku enggau nulis diari agi.”

 Nyadika simpul: Apai indai bisi tanggung pengawa nyaga nuan, lalu nuan enda ulih nagang chara sida bejalaika tanggung pengawa tu. Kati sida kelalu terit? Engka. Tang ba baruh tu deka nulung nuan ngemanahka agi kaul kita:

 Terus terang. Bup Kudus meransang kitai “ngereja utai ti badas berari.” (Hebrew 13:18) Uji beterus terang ngagai apai indai nuan. Enti nuan enda bulaka sia, sida engka deka meri nuan mayuh agi privasi.

 Perundingka: Kati nuan selalu ngereja utai ke ngasuh apai indai enda pechayaka nuan? Kati nuan pulai ba jam ke udah ditetapka sida? Kati nuan selalu belalaika sapa enggau nuan bekaban? Kati nuan selalu enda madah pasal utai ke dikereja nuan?

  “Aku patut berunding pasal apai indai. Aku patut beterus terang ngagai sida, lalu madahka semua utai ke deka ditemu sida. Tu ulih ngasuh sida pechaya sereta bebasaka privasi aku.”—Delia.

 Sabar. The Bible says: “Diau menyana begulai enggau orang.” (1 Peter 2:12) Apai indai begunaka awak deka pechayaka nuan. Taja pia, nuan tentu deka bulih asil ti manah.

 Perundingka: Apai indai nuan mega kala ngasaika jeman maya nembiak. Tu engka ngasuh sida deka ngemesaika nuan enggau chara ti betul, sida enggai nuan ngereja utai ti salah.

 “Aku ngasaika apai indai ngingatka chara sida dibesaika. Sida enggai kami ngereja penyalah ti sama baka sida.”—Daniel.

 Nguji nemu runding sida. Uji nemu runding apai indai nuan. Bup Kudus madahka, bini ti manah “seruran meratika utai ti dipeguna sida sebilik.” Lalu apai ulih dikearapka enti iya ngemesaika anak enggau ‘ngiring sida nyadi orang ke besai tuai dalam disiplin enggau ajar Petara.’ (Jaku Dalam 31:27; Epesus 6:4) Ngambika sida ulih bejalaika tanggung pengawa tu, apai indai patut masuk champur ba pengidup nuan, lalu nemu utai ke dikereja nuan.

 Perundingka: Gambarka nuan nya seiku indai tauka apai, lalu nuan nemu anak nuan selalu ngereja utai enggau enda berunding. Kati nuan agi deka meri privasi ngagai iya, lalu enda ibuh dikemataka?

  “Maya aku agi nembiak, aku ngasaika apai indai enda bebasaka privasi aku. Tang pengudah aku besai diatu, baru meh aku nemu kebuah apai indai ngereja nya. Nya meh chara sida ngayanka pengerindu.”—James.