Aku Bisi Ati Ngagai Orang ke Sama Penempa—Reti Iya Aku Homoseksual?
Ukai baka nya!
Fakta: Mayuh ari orang, bisi ati ngagai orang ke sama penempa nya enda lama.
Nya meh ke diasaika Lisette, seiku nembiak indu ke beumur 16 taun. Bisi siti timpuh iya bisi ati ngagai seiku nembiak indu. Iya madahka, “Ari kelas biologi ba sekula aku belajar, maya jeman nembiak, hormon kitai deka bisi mayuh berubah. Aku ngasaika, enti kitai nemu mayuh agi pasal tubuh diri, kitai ulih nemu kebuah kitai bisi ati ngagai sama penempa nya semina enda lama aja. Nya nulung kitai nemu, kitai enda ibuh kelalu nitihka ati lalu nyadi homoseksual.
Bala nembiak patut milih sekalika sida deka nitihka runding dunya tu pasal ulah seks tauka standard Bup Kudus ti bendar
Tang baka ni enti asai ati nya enggai badu-badu? Kati Petara nya balat jai laban Iya ngasuh orang ke bisi ati ngagai sama penempa nya badu nyadi homoseksual?
Enti saut nuan au ngagai tanya ke penudi tadi, kingatka, runding ke beberatka pengingin diri empu nya salah. Bup Kudus amat bebasaka mensia lalu deka sida nemu berunding ngambi ulih nulak pengingin ti bedosa.—Kolosi 3:5.
Standard ari Bup Kudus nya enda kelalu terit. Jaku lalau ari Bup Kudus ke madah, “Seliahka ulah ti kamah” dituju ngagai semua orang. Enda ngira orang nya bisi ati ngagai sama penempa tauka orang ke bisi ati ngagai enda sama penempa. (1 Korint 6:18) Iya ke bendar, bejuta iku orang ke ukai homoseksual ti deka nitihka ajar Bup Kudus pan deka nagang diri maya sida diuji. Nya alai, sida ke homoseksual mega ulih ngereja nya enti sida deka ngelantangka ati Petara.—Ulang Adat 30:19.
Nuan Engka Rindu Meda Tu
SAUT NGAGAI TANYA PASAL BUP KUDUS
Nama Ajar Bup Kudus Pasal Orang ke Jadi Sama Penempa?
Orang ke ngepunka tikah tu tentu nemu utai ti pemadu badas sereta baka ni deka bulih pengaga ati dalam tikah sida.
SAUT NGAGAI TANYA PASAL BUP KUDUS
Nama Ajar Bup Kudus Pasal Homoseksual?
Nama runding Petara pasal pengawa homoseksual? Kati ulih orang ke dekaka sama penempa ngelantangka ati Petara?
