Ninting taun, mayuh bala nembiak ke Saksi dibaptisa. Kati nuan mega deka dibaptisa? Enti au, nuan patut dulu nemu reti nyerahka diri sereta dibaptisa.

•  Nama reti dibaptisa?

•  Nama reti nyerahka diri?

•  Nama kebuah dibaptisa nya beguna?

•  Nama ku nembiak serambau nuan

•  Cherita ngapa enggau fakta

 Dalam Bup Kudus ngajar, maya dibaptisa patut nyelamka semua tubuh ke dalam ai, lalu ukai semina mechikka ai ba atas pala aja. Baptisa dalam ai ngambarka utai ti amat beguna.

•   Enggau nyelamka semua tubuh ke dalam ai lebuh dibaptisa, nuan nunjuk ngagai orang bukai, nuan enda agi idup nitihka pengingin diri agi.

•   Lebuh nuan pansut ari ai, nuan nunjukka diri deka ngena pengidup nuan ngelantangka Petara.

 Lebuh dibaptisa, nuan madahka ngagai orang mayuh, nuan ngaku hak Jehovah nentuka utai ti betul enggau utai ti salah. Nuan mega nerangka semaya nuan ti seruran deka ngereja peneka Jehovah.

 Pikirka: Nama kebuah nuan patut madahka pengingin diri deka idup sejalai enggau peneka Jehovah ba mua mayuh orang? Peda 1 John 4:19 enggau Pemandang 4:11.

 Sebedau dibaptisa, nuan patut nyerahka diri ngagai Jehovah. Baka ni?

 Lebuh besampi kediri empu, nuan besemaya deka nyembah Jehovah belama iya, sereta ngereja peneka Iya enda ngira nama utai ke nyadi, tauka nama pemutus orang bukai.

 Lebuh dibaptisa, nuan nunjukka ngagai orang bukai, nuan udah nyerahka diri ngagai Jehovah. Lalu nuan ukai idup kediri empu agi, laban nuan udah enggi Jehovah.—Matthew 16:24.

 Pikirka: Nama kebuah pengidup nuan manah agi enti nuan enggi Jehovah? Peda Isaiah 48:17, 18 enggau Hebrew 11:6.

 Jesus madah semua murid iya patut dibaptisa. (Matthew 28:19, 20) Nya alai, baptisa nya siti syarat kena nyadi orang Kristian. Ke bendar iya, Bup Kudus madahka kitai patut dibaptisa ngambika ulih diselamatka.—1 Peter 3:21.

 Taja pia, pengerindu enggau terima kasih nuan ngagai Jehovah ke patut meransang nuan dibaptisa. Nuan patut ngembuan ulah baka seiku pemasmur ke nulis, ‘Nama utai ti tau diberi aku ngagai Jehovah kena malas semua pemanah Iya enggau aku? Aku deka ngangauka nama Jehovah. Aku deka mayar semaya aku ngagai Jehovah.’—Masmur 116:12-14.

 Pikirka: Nama utai ke udah diberi Jehovah ke nuan? Baka ni nuan ulih malas pemanah Iya? Peda Ulang Adat 10:12, 13 enggau Rome 12:1.