Petara dekaka nuan ngelala Iya enggau manah, nyadi pangan Iya, rinduka Iya sereta nyembah Iya enggau pengabis ati. (Matthew 22:37, 38; James 4:8) Nuan ulih belajar baka ni ngereja peneka Petara ari pengidup sereta ajar Jesus. (John 7:16, 17) Jesus ukai semina bejaku pasal peneka Petara—iya ngereja nya! Indah, Jesus madah tuju pengidup iya, ‘ukai deka ngereja peneka aku empu, tang ngereja peneka Iya ke ngirumka aku.’—John 6:38.

Kati aku begunaka tanda ari serega, genera tauka kangau kena nemu peneka Petara ngagai aku?

 Enda, laban Bup Kudus ngembuan pesan Petara ke mensia. Utai ba dalam Bup Kudus nulung nuan ngambika “chukup disikap ngereja genap macham pengawa ti badas.” (2 Timoti 3:16, 17) Petara dekaka nuan ngena Bup Kudus enggau penau nemu berunding kena “nemu peneka Iya” ke nuan.—Rome 12:1, 2; Epesus 5:17.

Kati aku amat ulih ngereja peneka Petara?

 Ya, nuan ulih. Bup Kudus madahka: “pesan Iya ukai utai ti mar dititihka kitai.” (1 John 5:3) Tu ukai reti iya ngasika pesan Iya utai ti selalu senang dikereja. Tang enti nuan enggau naka ulih ngereja peneka Petara, utai nya deka pulai ke penguntung ngagai nuan. Jesus empu madahka: ‘Beberekat agi orang ke ninga lalu ngasika jaku Petara!’—Luke 11:28