Maya meri cheramah ba atas bukit, Jesus madahka: “Kereja ngagai orang baka ke dikedekaka orang ngagai kita.” (Matthew 7:12) Bisi mega ayat Bup Kudus bukai ke madahka: “Kereja ngagai orang baka ke dikedekaka kita kereja sida ngagai kita.”—Luke 6:31.

•  Nama reti ayat ba Matthew 7:12 tu?

•  Nama kebuah prinsip tu beguna?

•  Kati prinsip tu ngajar pasal utai ke diulih kitai ari orang bukai?

•  Baka ni kitai nitihka prinsip tu?

 Prinsip tu meransang kitai begulai, tauka ngaga orang bukai baka ke dikedeka kitai ari sida. Chunto iya, kitai ka orang bukai bebasa, manah ati sereta siruka kitai. Nyadi, kitai mega patut ngereja utai ti sama ngagai orang bukai.

 Prinsip tu ulih dikena ba mayuh pekara. Chunto iya, tu ulih dikena . . .

•   Neguhka tikah.—Epesus 5:28, 33.

•   Apai indai ngajar bala anak.—Epesus 6:4.

•   Ngemanahka kaul enggau bala kaban, orang ke semak diau, sereta orang ke sama gawa.—Jaku Dalam 3:27, 28; Kolosi 3:13.

 Prinsip tu nyauka sebaka enggau prinsip ke bisi ba sebagi besai Sempekat Lama. Jesus kala ngajar prinsip tu, iya nya ke bisi dalam “Adat, enggau ajar sida nabi.” (Matthew 7:12) Reti iya, prinsip ke bisi ba Matthew 7:12 ngambarka, pemesai guna jaku ajar ke bisi ba Sempekat Lama iya nya, kitai patut rinduka orang bukai.—Rome 13:8-10.

 Ukai. Prinsip tu meransang kitai meri ngagai orang bukai, ukai ngulihka utai ari orang bukai. Lebuh Jesus ngajar prinsip tu, iya nyebut pasal chara ke patut digaga kitai ngagai orang bukai, nyengkaum bala munsuh kitai. (Luke 6:27-31, 35) Nya alai, reti prinsip tu ngasuh kitai ngereja pemadas ngagai semua orang.

1.  1. Nemu berundingka orang bukai. Uji ayanka pengibuh ngagai orang bukai. Chunto iya, nuan engka tepedaka seseiku orang tusah amat ngangkat barang ti berat, orang ke semak enggau nuan diau tama sepital, tauka orang ke sama enggau nuan gawa berasai asa ati. Enti nuan ibuhka orang bukai, nuan ka ngiga peluang nyebut tauka ngereja sesiti utai ke ulih nulung sida.—Pilipi 2:4.

2.  2. Meretika asai ati orang bukai. Gambarka penuduk orang bukai. Baka ni asai ati nuan, enti nuan napi utai ti sama? (Rome 12:15) Enti nuan nguji meretika asai ati orang bukai, nuan bisi ati nulung sida.

3.  3. Nulung enggau chara ti ngena. Kingatka, tiap iku orang enda sama. Ukai reti chara nuan ngena ba orang bukai. Nyadi, taja pan mayuh utai ulih ditulung nuan ngagai orang bukai, tang uji beri bantu ke chun ba sida.—1 Korint 10:24.