Nama kebuah nuan patut madahka utai ti diperundingka nuan ngagai apai indai nuan? (Jlam 23:26) Laban Jehovah udah meri sida tanggungjawap kena nyaga sereta ngiring nuan. (Ms 127:3, 4) Apai indai nuan tusah nulung nuan enti nuan ngelalaika pengirau nuan ari sida. Nuan rugi enti nuan enda belajar ari peneleba sida. Kati nya salah enti nuan enda madahka semua utai ti diperundingka nuan ngagai sida? Enda—seagi-agi nuan enda nipu apai indai nuan.—Jlam 3:32.

Baka ni nuan ulih berandau enggau apai indai nuan? Giga awak ti manah alai berandau enggau sida. Enti nuan tusah ngereja nya, nuan ulih nulis surat ngagai sida lalu madahka asai ati nuan. Baka ni enti sema apai indai nuan deka berandau pasal utai ti enda dikerinduka nuan? Kingatka, apai indai nuan nya orang ke deka nulung nuan, ukai munsuh nuan. Enti nuan nguji berandau enggau apai indai nuan, nuan deka bulih mayuh penguntung sereta ngembuan pengidup ti meruan belama iya!—Jlam 4:10-12.

PEDA VIDEO PENGIDUP ORANG BIAK—CHARA BERANDAU ENGGAU APAI INDAI, LALU SAUT TANYA TU:

• Nama utai ti ditemu Esther enggau Partik pasal diri empu?

• Nama utai ti ulih dipelajarka nuan ari teladan Jesus?

• Baka ni apai indai nuan nunjukka pengibuh sida ngagai nuan?

• Nama ajar Bup Kudus ke ulih nulung nuan berandau enggau apai indai nuan?