15-21 Januari
JOP 36-37
Lagu 147 enggau Sampi | Jaku Pemuka (1 min.)
1. Kebuah Kitai Ulih Pechaya ngagai Semaya Petara pasal Pengidup ti Meruan Belama Iya
(10 min.)
Jehovah Empu idup belama iya (Jop 36:26; w22.12 2-3 ¶3-4)
Jehovah ulih ngasuh utai mengkang idup laban Iya bisi penemu-dalam enggau kuasa ti besai (Jop 36:27, 28; w20.05 22 ¶6)
Jehovah ngajar kitai chara ngulihka pengidup ti meruan belama iya (Jop 36:4, 22; Jhn 17:3)
Pengarap ti tegap ngagai semaya Petara pasal pengidup belama iya nulung kitai betan napi penguji.—Heb 6:19; w22.10 28 ¶16.
2. Penemu Bup Kudus ti Berega
(10 min.)
-
Jop 36:26—Patut kitai irau enti kitai enda meretika penerang ke madahka Jehovah endang seruran bisi? Terangka. (w22.12 3 ¶4)
-
Nama penemu ti berega ke ditemu nuan ari macha Bup Kudus minggu tu?
3. Macha Bup Kudus
(4 min.) Jop 36:1-21 (th Pelajar 2)
4. Ngepunka Randau
(3 min.) NGINJIL BA ENDUR ORANG MAYUH. (lmd Pelajar 3 poin 3)
5. Datai Ngabas
(4 min.) NGINJIL ARI RUMAH KE RUMAH. (lmd Pelajar 2 poin 5)
6. Nerangka Utai ke Dipechaya Nuan
(5 min.) Cheramah. ijwfq 57 ¶5-15—Tema: Nama Kebuah Saksi-Saksi Jehovah Diperinsa lebuh Jeman Holocaust? (th Pelajar 18)
Lagu 49
7. Besedia meh Sebedau Nuan Berubat tauka Beputung
(15 min.) Randau deka dikenataika siku tuai gempuru.
Gerempung Jehovah nyediaka mayuh utai kena nulung kitai ngasika pesan Jehovah pasal darah. (SKR 15:28, 29) Kati nuan ngena nya enggau manah?
Kad Arahan Penjagaan Kesihatan (DPA) enggau Kad Pengenalan (ic): Dua-dua kad tu nerangka utai ke dipinta pesakit ari lutur iya bekaul enggau darah. Penginjil ke udah dibaptisa tau bulih kad DPA ke diri empu sereta Kad Pengenalan ke anak sida ti agi baruh umur ari menyadi ke ngemataka litaricha. Kitai patut seruran ngemai kad tu ba sebarang maya. Enti nuan bedau ngisi kad tu tauka patut ngaduka iya baru, anang meh betangguh.
Maklumat untuk Ibu Mengandung (S-401) enggau Maklumat untuk Pesakit yang Memerlukan Pembedahan atau Kemoterapi (S-407): Dua-dua dokumen tu ulih nulung kitai nyediaka diri sebedau berubat ngambika ulih nyeliahka diri ari diberi darah. Pinta dokumen ke diguna nuan ari tuai gempuru enti nuan ngandung, deka beputung tauka berubat laban kanser.
Komiti Besilih Penemu Sepital (HLC): Bala menyadi Kristian ke gawa ba HLC nya tuai gempuru ke udah dilatih kena meri penerang pasal darah ngagai bala lutur sereta bala penginjil. Sida deka berandau enggau lutur nuan pasal chara berubat ke ulih nyeliahka transfusi darah. Enti patut, sida deka nulung nuan ngiga lutur ke deka bebasaka runding nuan pasal darah. Sida ulih dikangau ba sebarang maya, enda ngira siang tauka malam. Giga meh bala ari HLC enggau naka pengelengkas enti nuan deka tama sepital, beputung tauka nerima ubat ke bukai (nyengkaum berubat laban kanser) taja pan nuan ngumbai lutur nya enda meri nuan darah. Nuan mega patut ngereja tu enti nuan ngandung. Enti nuan begunaka bantu, giga meh tuai gempuru lalu iya deka madahka nuan chara ngiga HLC.
Mainka VIDEO Baka Ni Komiti Besilih Penemu Sepital Nulung Kitai? Udah nya, kerandauka tanya tu:
Baka ni menyadi ke gawa ba HLC ulih nulung nuan lebuh nuan begunaka berubat tauka beputung?
8. Gempuru Belajarka Bup Kudus
(30 min.) bt Pelajar 4 ¶9-12, kutak ba lambar 38
