Penguji ulih ngasuh kitai putus asa, kelebih agi enti penguji nya nyadi ba timpuh ti amat lama. David nemu, penguji ke ditapi iya ari raja Saul deka abis lalu iya deka nyadi raja baka ke udah disemayaka Jehovah. (1Sa 16:13) Pengarap nulung iya tetap sabar sereta nganti Jehovah.

Lebuh diuji, kitai engka ulih ngena pemintar, penemu, tauka runding diri empu kena mutarka penanggul. (1Sa 21:12-14; Jlam 1:4) Taja pia, sekeda penanggul agi tetap bisi taja pan kitai udah ngereja semua utai sejalai enggau prinsip Bup Kudus. Enti pia, kitai patut sabar sereta nganti Jehovah. Enda lama da agi, Iya deka muai semua pemerinsa sereta “ngendas semua ai mata” ari mata kitai. (Pem 21:4) Enda ngira baka ni penanggul kitai diputarka sekalika tulung ari Jehovah tauka kebuah bukai, kitai ulih pechaya siti utai: Semua penguji deka nadai agi. Utai tu ngelantangka ati kitai.

PEDA VIDEO NEMBIAK JEHOVAH TETAP BESERAKUP BA DUNYA TI BEPECHAH-BELAH, LALU SAUT TANYA TU:

• Nama penguji ke ditapi sekeda bala menyadi ba selatan Amerika Serikat?

• Baka ni sida ngayanka penyabar enggau pengerindu?

• Nama digaga sida ngambika mengkang fokus ngagai “utai ti pemadu badas”?—Plp 1:10