Lebuh ngaga datai ngabas sereta ngajar Bup Kudus, kitai patut nulung peninga kitai meretika batang ajar. Enti kitai ngena jaku sempama kena nerangka batang ajar, tu ulih negu ati sida sereta nulung sida ingatka utai ti udah dipelajarka sida.

Lebuh nuan nyediaka datai ngabas tauka belajarka Bup Kudus, sediaka jaku sempama ti nerangka batang ajar. Udah nya, pilih jaku sempama ti senang ke bekaul enggau pengidup besehari-sehari. (Mat. 5:14-16; Mrk. 2:21; Luk. 14:7-11) Perundingka chara pengidup enggau utai ke benung digaga peninga nuan. (Luk. 5:2-11; Jhn. 4:7-15) Lebuh nuan meda iya gaga ati ketegal meretika utai ti dipelajarka iya, nuan mega deka gaga ati.

PEDA VIDEO NGASAIKA PENGAGA ATI LEBUH NGAGA MURID—NGEMANSANGKA PENGELANDIK—JAKU SEMPAMA NERANGKA BATANG AJAR, LALU SAUT TANYA TU:

• Nama kebuah pemelajar kitai begunaka tulung kena meretika ayat Bup Kudus?

• Baka ni Neeta ngena jaku sempama lebuh nerangka ayat ba Rome 5:12?

• Enti kitai ngena jaku sempama ti manah, baka ni nya ulih nulung bala peninga?

• Nama kebuah kitai patut ngena video enggau perengka ngajar ke bukai ti disediaka gerempung Jehovah lebuh nginjil?