Bansa Israel ti Kesatu 27:1-34
-
Pegawai ke gawa ke raja (1-34)
27 Tu raban orang Israel ke gawa enggau bala soldadu raja: Dalam tiap iti raban nya bisi tuai suku, tuai atas 1,000 iku orang, tuai atas 100 iku orang, enggau bala ketuai ke nyaga tiap iti raban nya. Ninting taun, tiap iti raban deka gawa pengelama sebulan nitihka giliran. Tiap iti raban bisi 24,000 iku orang.
2 Jasobim anak Sapdiel betanggungjawap ngemataka raban keterubah ke gawa ba bulan keterubah. Dalam raban iya bisi 24,000 iku orang.
3 Ari peturun Peres, Jasobim meh ke nyadi ketuai atas semua tuai raban ke gawa ba bulan keterubah.
4 Dodai, orang Ahohi, betanggungjawap ngemataka raban ke gawa ba bulan kedua. Dalam raban iya bisi 24,000 iku orang. Iya mega bisi penulung ke benama Miklot.
5 Benayah, anak tuai imam Israel, iya nya Jehoyada, betanggungjawap ngemataka raban ketiga, ke gawa ba bulan ketiga. Dalam raban iya bisi 24,000 iku orang.
6 Iya ditulung anak iya ke benama Amisabat. (Benayah nya, siku ari 30 iku pahlawan David ti kering, lalu iya mega nyadi ketuai sida.)
7 Asahel, iya nya adik Joap, betanggungjawap ngemataka raban keempat ke gawa ba bulan keempat. Anak iya Sebadiah nganti iya. Dalam raban iya bisi 24,000 iku orang.
8 Samhut, orang Israh, betanggungjawap ngemataka raban kelima ke gawa ba bulan kelima. Dalam raban iya bisi 24,000 iku orang.
9 Ira anak Ikes, orang Tekoa, betanggungjawap ngemataka raban keenam ke gawa ba bulan keenam. Dalam raban iya bisi 24,000 iku orang.
10 Heles, orang Pelon ari peturun Efraim, betanggungjawap ngemataka raban ketujuh ke gawa ba bulan ketujuh. Dalam raban iya bisi 24,000 iku orang.
11 Sibikai, orang Husah ari peturun Zerah, betanggungjawap ngemataka raban kelapan ke gawa ba bulan kelapan. Dalam raban iya bisi 24,000 iku orang.
12 Abi-eser, orang Anatot ari peturun Benjamin, betanggungjawap ngemataka raban kesemilan ke gawa ba bulan kesemilan. Dalam raban iya bisi 24,000 iku orang.
13 Maharai, orang Netopah ari peturun Zerah, betanggungjawap ngemataka raban ke-10 ke gawa ba bulan ke-10. Dalam raban iya bisi 24,000 iku orang.
14 Benayah, orang Piraton ari peturun Efraim, betanggungjawap ngemataka raban ke-11 ke gawa ba bulan ke-11. Dalam raban iya bisi 24,000 iku orang.
15 Heldai, orang Netopah ari peturun Otnil, betanggungjawap ngemataka raban ke-12 ke gawa ba bulan ke-12. Dalam raban iya bisi 24,000 iku orang.
16 Tu bala tuai raban bansa Israel: Elieser anak Sikri, tuai raban bansa Reuben; Sepatiah anak Maakah, tuai raban bansa Simeon;
17 Hasabiah anak Kemuel, tuai raban bansa Lewi; Sadok, tuai peturun Aron;
18 Elihu, menyadi David, tuai raban bansa Judah; Omri anak Mikael, tuai raban bansa Isakar;
19 Ismayah anak Obadiah, tuai raban bansa Sebulun; Jerimot anak Azriel, tuai raban bansa Naptali;
20 Hoshea anak Asasiah, tuai raban bansa Efraim; Joel anak Pedayah, tuai setengah ari raban bansa Manasi;
21 Ido anak Sekariah, tuai setengah ari raban bansa Manasi ba Gilead; Jaasiel anak Abner, tuai raban bansa Benjamin;
22 lalu Azarel anak Jehoram, tuai raban bansa Dan. Nya meh bala tuai raban bansa Israel.
23 David enda ngitung orang ke beumur 20 taun ke baruh, laban Jehovah udah besemaya deka ngasuh orang Israel ngemayuh bintang ba langit.
24 Joap anak Seruyah udah berengkah bejalaika pengawa ngitung penyampau orang Israel, tang iya enda nembuka pengawa nya. Pengawa ngaga banci nya ngasuh Petara ringat ngagai orang Israel. Nya alai, penyampau orang Israel enda ditulis ba bup sejarah pasal Raja David.
25 Asmabet anak Adiel betanggungjawap ngemataka endur nyimpan reta raja. Jonatan anak Usiah betanggungjawap nyaga setor* ba ladang, ba kuta, ba kampung, enggau ba menara.
26 Esri anak Kelup betanggungjawap ngemataka orang ke betanam ba ladang.
27 Shimei, orang Ramah, betanggungjawap ngemataka pengawa bekaul enggau ladang anggur. Sabdi, orang Sepam,* betanggungjawap nguruska asil ladang anggur enggau wain.
28 Baal-hanan, orang Geder, betanggungjawap nguruska ladang buah kana enggau pun kayu sikamur* ba Shefilah. Joas betanggungjawap nguruska endur nyimpan minyak.
29 Sitrai, orang Saron, betanggungjawap nyaga raban sapi ba Saron. Sapat anak Adlai betanggungjawap nyaga raban sapi ba kawasan lebak.
30 Obil, orang Ismail, betanggungjawap nyaga unta. Jehdeyah, orang Meronot, betanggungjawap nyaga keledai.
31 Jasis, orang Hagri, betanggungjawap nyaga raban bedus enggau kambin. Semua sida nya bala ketuai ke betanggungjawap nyaga reta Raja David.
32 Jonatan, iya nya anak menyadi David, nyadi penasihat* enggau sekretari. Iya orang ti bepenemu. Jehiel anak Hakmoni betanggungjawap nyaga bala anak raja.
33 Ahitopel nya penasihat raja, lalu Husai, orang Arki nya kaban* raja.
34 Udah nya, Ahitopel diganti Jehoyada anak Benayah enggau Abiatar nyadi penasihat raja. Joap nyadi ketuai soldadu raja.
Nota Kaki
^ Tauka “endur nyimpan reta.”
^ Tauka engka, “Sipmot.”
^ Sebengkah pun kayu ara.
^ Tauka “penyanding penemu.”
^ Tauka “orang ke dipechaya.”
