Bansa Israel ti Kesatu 7:1-40
7 Isakar bisi empat iku anak lelaki, iya nya Tola, Puah, Jasup, enggau Simron.
2 Bala anak lelaki Tola nya Usi, Repayah, Jeriel, Jamai, Ipsam, enggau Semuel. Sida nya tuai suku. Maya jeman David, penyampau bala soldadu ti kering ari peturun Tola nya 22,600 iku orang.
3 Anak lelaki Usi nya Israhiah. Bala anak lelaki Israhiah nya Mikael, Obadiah, Joel, enggau Issiah. Semua sida nya tuai ruang bilik.
4 Sida enggau bala peturun sida bisi mayuh bini enggau anak. Nya alai, ari ruang bilik sida bisi 36,000 iku soldadu ke ulih enggau beperang.
5 Bala lelaki ari semua ruang bilik Isakar nya soldadu ti kering. Nitihka lis tusut peturun, semua penyampau sida 87,000 iku orang.
6 Benjamin bisi tiga iku anak lelaki, iya nya Bila, Beker, enggau Jediael.
7 Bila bisi lima iku anak lelaki: Esbon, Usi, Uziel, Jerimot, enggau Iri. Semua sida nya tuai suku sereta soldadu ti kering. Nitihka lis tusut peturun, semua penyampau sida 22,034 iku orang.
8 Bala anak lelaki Beker nya Semirah, Joas, Elieser, Elionai, Omri, Jerimot, Abijah, Anatot, enggau Alemet. Semua sida nya anak Beker.
9 Nitihka lis tusut peturun tiap iku tuai suku, semua penyampau soldadu ti kering ari peturun sida bisi 20,200 iku.
10 Anak lelaki Jediael nya Bilhan, lalu bala anak lelaki Bilhan nya Jeus, Benjamin, Ehut, Chenaana, Zetan, Tarsis, enggau Ahisahar.
11 Semua sida nya anak lelaki Jediael, lalu nitihka lis tuai suku sida empu. Semua penyampau soldadu ti kering ke sedia enggau beperang ari peturun sida nya 17,200 iku.
12 Orang Supim enggau orang Hupim nya peturun Ir.* Orang Husim nya peturun Aher.
13 Bala anak lelaki Naptali nya Jahsiel, Guni, Jeser, enggau Salum. Sida peturun Bilhah.
14 Tu peturun Manasi: Asril diadaka gundik Manasi, iya nya siku indu bansa Siria. (Indu nya ngadaka Makir, iya nya apai Gilead.
15 Makir ngiga bini ke Hupim enggau Supim. Menyadi indu iya benama Maakah.) Anak lelaki iya ti kedua benama Zelofehat, lalu Zelofehat semina bisi anak indu.
16 Maakah, iya nya bini Makir, ngadaka siku anak lelaki, lalu anak nya diberi nama Peres. Lalu menyadi lelaki iya benama Seres. Anak lelaki Seres nya Ulam enggau Rekem.
17 Anak lelaki Ulam nya Bedan. Semua sida nya peturun Gilead. Gilead nya anak Makir, lalu Makir nya anak Manasi.
18 Anak indu Makir nya Hamoleket. Hamoleket ngadaka Isod, Abie-ser, enggau Malah.
19 Bala anak lelaki Semida nya Ahian, Shikem, Liki, enggau Aniam.
20 Anak lelaki Efraim nya Shutelah, anak Shutelah nya Beret, anak Beret nya Tahat, anak Tahat nya Eleadah, anak Eleadah nya Tahat,
21 anak Tahat nya Zabat, lalu anak Zabat nya Shutelah. Efraim mega bisi dua iku anak lelaki ke bukai, iya nya Eser enggau Elead. Orang asal ke diau ba Gat munuh seduai iya, laban seduai iya ngenchuri jelu tupi sida.
22 Apai seduai iya, Efraim, lama amat tusah ati ke pemati seduai iya, lalu bala kaban belayan iya datai merindang iya.
23 Udah nya, Efraim tinduk* enggau bini iya. Bini iya pan ngandung lalu ngadaka siku anak lelaki. Efraim meri anak nya nama Beriah,* laban anak nya ada maya ruang bilik iya ditinggang penusah.
24 Anak indu iya* Sherah. Sherah udah nirika Bet-horon Ulu, Bet-horon Ili, enggau Usen-sherah.
25 Anak lelaki iya* Repah enggau Resep. Anak Resep nya Telah, anak Telah nya Tahan,
26 anak Tahan nya Ladan, anak Ladan nya Amihut, anak Amihut nya Elisama,
27 anak Elisama nya Nun, lalu anak Nun nya Josua.*
28 Tanah ke diempu raban bansa Efraim enggau endur alai sida diau nya Bethel enggau kuta-kuta mit ke ngelingi iya, Naran ba timur, Geser enggau kuta-kuta mit ke ngelingi iya ba barat, sereta Shikem enggau kuta-kuta mit ke ngelingi iya, nyentuk ngagai Ayyah* enggau kuta-kuta mit ke ngelingi iya.
29 Sida mega diau ba sempadan raban bansa Manasi, iya nya Bet-sean enggau kuta-kuta mit ke ngelingi iya, Taanak enggau kuta-kuta mit ke ngelingi iya, Megido enggau kuta-kuta mit ke ngelingi iya, sereta Dor enggau kuta-kuta mit ke ngelingi iya. Ba dia meh bala peturun Josep anak Israel diau.
30 Bala anak lelaki Aser nya Imnah, Isbah, Isbi, enggau Beriah. Anak indu iya benama Serah.
31 Anak lelaki Beriah nya Heber enggau Malkiel. Malkiel nya apai Birsait.
32 Anak lelaki Heber nya Japlet, Somer, enggau Hotam. Anak indu Heber nya Sua.
33 Anak lelaki Japlet nya Pasak, Bimhal, enggau Asbat. Semua sida anak lelaki Japlet.
34 Anak lelaki Semer* nya Ahi, Rohgah, Jehubah, enggau Aram.
35 Helem,* iya nya menyadi Semer, bisi anak lelaki ke benama Sopah, Imna, Seles, enggau Amal.
36 Bala anak lelaki Sopah nya Suah, Harneper, Shual, Beri, Imrah,
37 Beser, Hod, Sama, Silsah, Itran, enggau Bera.
38 Anak lelaki Jeter nya Jepuneh, Pispa, enggau Ara.
39 Anak lelaki Ula nya Arah, Haniel, enggau Risia.
40 Semua sida nya peturun Aser. Sida mega tuai suku, tuai ti pemadu penting, sereta soldadu ti kering ke dipilih. Nitihka lis tusut peturun sida, bisi 26,000 iku ari bala sida ke sedia enggau beperang.
Nota Kaki
^ Tauka engka, “Supim enggau Hupim nya anak lelaki Ir.”
^ Iya nya, ngereja pengawa seks.
^ Reti nya “Dalam Penusah.”
^ Merujuk ngagai Efraim tauka Beriah.
^ Merujuk ngagai Efraim tauka Beriah.
^ Tauka “Jehosua,” ke mai reti “Jehovah Nya Penyelamat.”
^ Tauka engka, “Gaza,” tang ukai merujuk ngagai Gaza ba Pilistia.
^ Mega dikumbai Somer ba ayat 32.
^ Engka sama enggau “Hotam” ba ayat 32.
