PELAJAR 36
Seruran Lurus ba Semua Utai
Semua kitai rindu begulai enggau orang ke lurus. Jehovah mega deka bala pangan Iya lurus. Tang enda senang deka seruran ngayanka ulah tu laban mayuh orang ba dunya tu enda lurus. Nama penguntung iya enti kitai seruran lurus?
1. Nama kebuah kitai patut ngayanka ulah ti lurus?
Bup Kudus madahka: ‘Jehovah begedika orang ke ngereja penyai. Tang Iya ngaga orang ke lurus nyadika pangan Iya.’ (Jaku Dalam 3:32) Lebuh kitai lurus ba semua utai, kitai nunjukka diri rindu sereta bebasaka Jehovah. Kebendar iya, Jehovah nemu semua utai ti digaga sereta diperundingka kitai. (Hebrew 4:13) Nya alai, Iya tentu gaga ati lebuh kitai bebendar deka lurus.
2. Baka ni kitai nunjukka ulah ti lurus?
Jehovah deka kitai nyebut “utai ti bendar ngagai pangan diri.” (Sekariah 8:16, 17) Nyadi, lebuh bejaku enggau diri sebilik, bala menyadi Kristian, bala kaban, orang ke sama gawa enggau kitai tauka pegawai perintah, kitai enda bula tauka meri penerang ti pelesu. Kitai mega enda ngenchuri tauka ngena chara ti jai kena nipu sida. (Bacha Jaku Dalam 24:28 enggau Epesus 4:28.) Kelimpah ari nya, kitai mayar chukai baka ti diasuh perintah. (Rome 13:5-7) Amat, kitai bebendar deka “ngereja utai ti badas berari.”—Hebrew 13:18.
3. Nama penguntung iya enti kitai lurus?
Enti orang bukai nemu kitai seruran lurus, sida deka agi pechayaka kitai. Ulah ti lurus mega ngasuh eklisia nyadi endur ti likun, lantang sereta bisi pemaik. Lebuh kitai lurus, penemu ati kitai deka beresi. Kelimpah ari nya, kitai ‘mai puji ngagai ajar ti diberi Petara ti Juruselamat kitai.’ (Titus 2:10) Enggau nya, orang bukai engka bisi minat deka nemu pemendar sereta nyembah Jehovah.
BELAJAR MAYUH AGI
Peratika baka ni ulah ti lurus ulih mai empas ngagai pengidup nuan sereta kaul nuan enggau Jehovah. Belajarka mega baka ni nuan ulih ngayanka ulah ti lurus ba pengidup.
4. Ulah ti lurus ngagaka ati Jehovah
Bacha Masmur 44:21 enggau Malaki 3:16, lalu kerandauka tanya tu:
-
Ba runding nuan, nama kebuah kitai enda patut ngumbai diri ulih ngelalai utai ari Jehovah?
-
Ba runding nuan, nama asai ati Jehovah lebuh kitai madahka utai ti bendar, taja pan nya enda senang?
Apai indai deka gaga ati lebuh bala anak sida madahka utai ti bendar. Jehovah mega deka gaga ati lebuh kitai madahka utai ti bendar
5. Seruran lurus ba semua utai
Mayuh orang ngumbai kitai enda ulih seruran lurus. Tang peratika kebuah kitai patut seruran lurus. Mainka VIDEO.
Bacha Hebrew 13:18, lalu kerandauka baka ni kitai ulih ngayanka ulah ti lurus . . .
-
enggau diri sebilik.
-
lebuh ba sekula tauka endur gawa.
-
ba pekara bukai.
6. Ulah ti lurus mai berekat
Kadang-kadang kitai engka napi penanggul enti kitai lurus. Tang, ulah ti lurus nya utai ti pemadu badas ke ulih digaga kitai. Bacha Masmur 34:12-16, lalu kerandauka tanya tu:
-
Nama penguntung ke diulih nuan enti nuan lurus?
-
Laki bini ti lurus enggau pangan diri deka bisi kaul ti rapat agi
-
Pekereja ti lurus deka agi dikearapka tuke iya
-
Rayat ti lurus deka dibasa pegawai perintah
BISI ORANG MADAH: “Nadai salah enti bula mimit aja.”
-
Nama kebuah nuan ulih pechaya Jehovah begedika semua bansa pemula?
LANSA
Jehovah deka bala pangan Iya lurus ba jaku sereta pengawa.
Ulang Kaji
-
Nama sekeda chara kitai ulih ngayanka ulah ti lurus?
-
Ba runding nuan, nama kebuah kitai enda patut ngumbai diri ulih ngelalaika utai ari Jehovah?
-
Nama kebuah nuan deka seruran lurus?
ARAM BELAJAR
Baka ni apai indai ulih ngajar anak ngambika seruran lurus?
Nama penguntung iya enti kitai ngamatka semaya kitai?
Peratika kebuah kitai patut mayar chukai taja pan duit nya engka disalah guna.
“Kati Nuan Patut Mayar Chukai?” (Menara Jaga, 1 September 2011)
Nama utai ke nulung seiku lelaki ngubah pengidup iya lalu nyadi orang ti lurus?
“Jehovah Bisi Pengasih sereta Sanggup Ngampunka Aku” (Menara Jaga, 1 Mei 2015)
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
