Ngambika terus bepangan, nuan patut bejaku enggau Iya. Nuan ningaka Iya, lalu Iya mega deka ningaka nuan. Nuan mega madahka utai ti manah pasal pangan nuan ngagai orang bukai. Sama mega, maya nuan nyadi pangan Petara. Peratika nama utai dipadahka dalam Bup Kudus pasal tu:

Seruran besampi ngagai Jehovah. “Majak besampi.”—Rome 12:12.

Macha Jaku Petara, Bup Kudus. ‘Semua Bup Kudus endang bepun ari Petara magang, lalu beguna kena ngajar, kena ngerara, kena ngaduka utai ti salah’.—2 Timoti 3:16.

Ngajar orang bukai pasal Petara. “Nya alai, bejalai kita ngagai semua bansa . . . lalu ajar  sida ngasika semua pesan ti udah diberi aku ngagai kita.”—Matthew 28:19, 20.

Semak ngagai bala pangan Petara. “Enti nuan begulai enggau orang ke bepenemu-dalam, nuan deka nyadi orang ke bepenemu-dalam baka sida.”—Jaku Dalam 13:20.

Datai begempuru ngagai Palan Gempuru. “Aram kitai berundingka chara kitai tau nyungkak pangan diri . . . meransang pangan diri.”—Hebrew 10:24, 25.

Nyukung pengawa Perintah Petara. ‘Genap iku kita patut meri nitihka pemutus runding diri, ukai enggau ati ti lembau, tauka ari pejal, laban Petara rinduka orang ke meri enggau ati ti gaga.’—2 Korint 9:7.