Jaku Pemuka ke Begian 2
Nama kebuah Jehovah ngenataika ai bah kelia menya? Ba pun sejarah mensia, bisi siti perang berengkah—perang entara pemanah enggau penyai. Sekeda orang baka Adam, Awa enggau anak seduai iya, Kain, milih bepiak enggau penyai. Sekeda ke bukai, baka Abel enggau Noah, milih bepiak enggau pemanah. Mayuh orang nyadi amat jai nyentukka Jehovah mai pengerusak ngagai dunya ti jai nya. Begian tu deka nulung kitai nemu Jehovah meda ni bagi piak ke dipilih kitai lalu Iya enda sekali-kali nejuka penyai ngalahka pemanah.
BA BEGIAN TU
Adam enggau Awa Enda Ngasika Petara
Nama utai ti spesial pasal pun kayu ke ba Kebun Eden? Nama kebuah Awa makai buah ari nya?
Pengeringat Ngujungka Pengawa Jai
Petara nerima pemeri Abel tang ukai pemeri Kain. Lebuh Kain nemu pasal tu, iya amat ringat lalu ngereja utai ti amat jai.
Bandung Noah
Lebuh melikat ke jai jadi enggau indu ba dunya, sida bisi anak gerasi ke ngemediska orang. Penyai ba sebarang endur. Tang Noah enda sebaka—iya rindu sereta ngasika Jehovah.
Lapan Iku Orang Selamat
Bah Besai ngasuh ujan turun pengelama 40 hari 40 malam. Pengelama Noah enggau diri sebilik iya diau dalam bandung nya lebih ari setaun. Udah nya, sida ulih pansut ari bandung nya.
