CHARA NAPI STRESS
Nuan Ulih Idup enggau Nadai Stress
Lalau ti manah ari Bup Kudus ulih nulung kitai nyeliahka diri ari mayuh stress. Endang amat, kitai enda ulih muai semua utai ke ngasuh kitai stress, tang Penempa kitai ulih ngereja nya. Indah, Iya milih siku orang datai nulung kitai, iya nya Jesus Kristus. Enda lama da agi, Jesus deka ngaga utai ti amat ngalitka ati ba serata dunya, baka ke kala digaga iya lebuh iya ba bumi. Ngambika chunto:
JESUS DEKA NGERAIKA ORANG KE SAKIT.
“Orang ke merinsa ketegal mayuh macham penyakit enggau pemedis . . . , dibai ngagai iya. Lalu iya ngeraika semua sida.”—MATTHEW 4:24.
JESUS DEKA NYEDIAKA ENDUR DIAU SERETA PEMAKAI KE SEMUA ORANG.
“Orang deka ngaga rumah lalu diau dia. Rumah nya enda diuan orang bukai. Sida deka bekebun anggur lalu ngelantangka diri ngirup wain. Wain nya enda diirup orang bukai.” —ISAIAH 65:21, 22.
PERINTAH JESUS DEKA MAI PENGELANTANG SERETA PENGELIKUN BA SERATA DUNYA.
“Awakka pengelurus ngerembai ngagai semua endur seumur raja, lalu awakka pengaya tan, seagi bulan meri penampak. Perintah iya deka ngerembai ari tasik siti ngagai tasik siti, ari Eupratis di serata dunya. . . . Bala munsuh iya deka nyungkurka diri ke tanah.”—MASMUR 72:7-9.
JESUS DEKA NGENATAIKA PENGELURUS.
“Iya sinu ati ke orang ke lemi sereta seranta. Iya ngidupka nyawa sida ke suntuk. Iya ngelepaska sida ari orang ke nekanka pengidup sida, enggau ari orang ke mangah.”—MASMUR 72:13, 14.
JESUS DEKA MUAI PEMERINSA SERETA PEMATI.
“Pemati deka nadai agi. Nadai agi balat tusah ati, nadai agi nyabak, nadai agi pedis.”—PEMANDANG 21:4.
Nuan Engka Rindu Meda Tu
SAUT NGAGAI TANYA PASAL BUP KUDUS
Nama Utai ke Nyadi Lebuh Perintah Petara Merintah?
Nama utai ke ulih dikeandalka nuan, lebuh Perintah Petara merintah bumi?
