Kati saintis ulih nerangka baka ni alam semesta enggau utai idup berengkah? Saut iya enda. Sekeda orang madahka, bisi sebengkah sains ke dikumbai kosmologi ulih nerangka pun penatai alam semesta. Taja pia, Marcelo Gleiser, seiku profesor astronomi ba Dartmouth College madahka, “Kami agi enda ulih nerangka pun penatai alam semesta.”

Bekaul enggau pun penatai utai idup, siti artikel dalam majalah Science News madahka, “Baka ke mustahil deka nemu pasal baka ni utai idup tau berengkah ba bumi. Mayuh ari batu sereta fosil, ke nunjukka utai ti nyadi ba jeman keterubah di bumi udah nadai agi.” Ari jaku tu nunjukka, bala saintis bedau agi tetemuka saut ngagai tanya: Baka ni alam semesta enggau utai idup berengkah?

Taja pia, nuan engka berunding, “Enti utai idup ba bumi enda nyadi pia aja, nyadi sapa ke ngaga semua utai nya?” Nuan mega engka berundingka tanya tu: “Enti Penempa ke pintar sereta bisi pengerindu nya amat bisi, nama kebuah Iya ngelakka mensia merinsa? Nama kebuah Iya nejuka bisi mayuh agama ti bebida? Nama kebuah Iya nejuka penyembah Iya ngereja penyai?”

Enti kitai semina bepanggai ba sains, kitai enda ulih tetemuka saut ngagai tanya tu. Tang, tu ukai reti iya kitai enda ulih tegigaka saut iya. Mayuh orang udah tetemuka saut ti ngemuaska ati dalam Bup Kudus.

Enti sema nuan deka nemu nama kebuah sekeda saintis ke mansik Bup Kudus pechaya Penempa nya amat bisi, lawa meh jw.org/iba lalu giga “runding pasal pun penatai pengidup.”