Penampak ba Dunya ti Petang

“Ba hari ti penudi mayuh macham penusah deka nyadi.”—2 TIMOTI 3:1.

KALA nuan ninga tauka ngasaika bencana alam sereta penusah baka ba baruh tu:

● Penyakit berampit nabanka mayuh nyawa.

● Lapar pungkang ngujungka beratus iku orang mati keberuran.

● Tanah berenyang munuh beribu iku nyawa sereta ngerusak rumah enggau reta tengkira.

Artikel tu deka berandauka beberapa iti utai ke deka nyadi ti bisi disebut dalam Bup Kudus, lalu dikumbai “hari ti penudi.” Nuan deka belajarka jaku benabi dalam Bup Kudus pasal utai tu.

Tuju artikel tu ukai kena nunjukka dunya tu balat jai. Tang, tuju artikel tu deka meri nuan pengadang pasal jemah ila. Ari mansik enam jaku benabi dalam Bup Kudus, nuan nemu kitai benung idup ba pengujung “hari ti penudi.” Reti iya, enda lama da agi semua penanggul ke dipeda kitai deka lenyau. Kitai mega deka meda runding orang mayuh pasal pekara tu, sereta bukti pengidup jemah ila ti manah benung nganti kitai.