Saut Tanya Pasal Bup Kudus
Kati orang ke udah mati ulih idup baru?
Endang amat Penempa pengidup ulih ngangkatka orang idup baru
Petara Jehovah nya Pun pengidup. (Masmur 36:9) Enda ke tu nunjukka Iya ulih ngidupka baru orang ke udah mati? Bup Kudus madahka, Iya deka ngereja tu jemah ila. (Bacha Kereja Rasul 24:15) Tang, nama kebuah Iya deka ngereja nya?
Penempa kitai deka mensia idup belama iya ba dunya. (Pemungkal 1:31; 2:15-17) Tuju Iya ke mensia agi sama. Iya balat tusah ati meda utai ke nyadi ba kitai kemaya hari tu—pengidup mensia ke balat ditinggang penusah sereta enda panjai umur.—Bacha Jop 14:1, 14, 15.
Dini alai orang ke diidupka baru tu deka diau?
Kati Petara ngaga mensia ngambika diau ba serega? Enda. Petara ngaga melikat ngambika diau ba serega. Iya ngaga mensia ngambika diau ba dunya. (Pemungkal 1:28; Jop 38:4, 7) Nya alai, kingatka pengangkat ari mati ke digaga Jesus. Iya ngangkatka orang idup baru ba dunya tu. Pia mega, mayuh orang ke diidupka baru jemah ila deka diau ba dunya tu.—Bacha John 5:28, 29; 11:44.
Taja pia, Petara udah milih sekeda orang ngambika diangkatka idup baru, lalu diau ba serega. Sida deka betubuh roh. (Luke 12:32; 1 Korint 15:49, 50) Sida deka nyadi raja enggau Kristus merintah atas dunya.—Bacha Pemandang 5:9, 10.
Nuan Engka Rindu Meda Tu
MENARA JAGA
Peluang Ngagai Orang Ke Udah Mati—Baka Ni Nuan Tau Arap?
Bup Kudus nyediaka dua iti kebuah tau arapka pengangkat ari mati.
SAUT NGAGAI TANYA PASAL BUP KUDUS
Nama Reti Pengangkat Ari Mati?
Nuan engka tekenyit nemu pasal sapa ke deka diangkatka idup baru jemah ila.
SAUT NGAGAI TANYA PASAL BUP KUDUS
Sapa ke Ngagai Serega?
Mayuh orang salah penemu lalu ngumbai semua orang ke manah niki ke serega pengudah sida mati. Tang nama ajar Bup Kudus pasal pekara tu?
