Mayuh orang ngumbai penanggul ba taun 2024 enda ulih diputarka. Tang, kitai ulih tetemuka harapan ke jemah ila. Ba dini?

 Bup Kudus besemaya, Petara deka mutarka semua penanggul ke ngasuh kitai berasai nadai daya. Enda lama agi, Petara “deka ngendas semua ai mata ari mata [kitai], lalu pemati deka nadai agi. Nadai agi balat tusah ati, nadai agi nyabak, nadai agi pedis.”​—Pemandang 21:4.

•   Kena nemu mayuh agi semaya Bup Kudus ke jemah ila, peda artikel “Pengadang ti Bendar Pasal Jemah Ila.”

 Bup Kudus meri harapan ke jemah ila ke ulih nulung nuan ngelaban asai ati ti negatif sereta ngembuan runding ti positif. (Rome 15:13) Jaku lalau ti praktikal ari Bup Kudus mega ulih nulung nuan napi penanggul ke engka ditapi nuan diatu, baka penyuntuk, utai ti enda adil, sereta penyakit.

•   Peratika baka ni harapan ari Bup Kudus nulung siku lelaki tetemuka pengelantang enggau pengaga ati taja pan iya diadaka ba ruang bilik ti miskin. Peda video Juan Pablo Zermeño: Jehovah Nunjukka Aku Pengidup ti Beguna.

•   Peratika baka ni Bup Kudus ulih nulung nuan mutarka asai ati ti besalah, tusah ati, pengirau, sereta lebuh lenyau orang ke dikesayau. Peda artikel “Kati Ulih Aku Tetemuka Jaku ti Ngelantangka Ati dalam Bup Kudus?”

•   Siku indu ke kala nyadi soldadu madahka diri “ngembuan ulah ti enda manah sereta enda berundingka orang bukai.” Peratika baka ni iya tetemuka harapan dalam Bup Kudus ba video Aku Muai Senapang Aku.

 Belajar mayuh agi pasal chara Bup Kudus ulih nulung nuan. Uji meh kursus belajarka Bup Kudus secara pechuma. Belajarka baka ni Petara ulih meri nuan “pemaik” diatu sereta “pengidup enggau pengadang ke jemah ila.” (Jeremiah 29:11) Enggau nya, kita sebilik ulih tetemuka pengelantang ba taun 2024.