Peratika utai ke dipadahka orang pasal bala tuai pengarap ke besangkut-paut enggau perang ba Ukraine:

•   “Paderi Kirill, tuai Gerija Orthodox Rusia, nadai nyakal serang ari Rusia tu. . . . Gerija iya terus nusui cherita pelesu pasal Ukraine, lalu Putin ngena cherita pelesu tu nyadika kebuah kena nyerang Ukraine.”—EUobserver, 7 Mac 2022.

•   “Paderi Kirill . . . nunjukka diri nyukung serang Rusia ngagai Ukraine lebuh madahka perang tu beguna kena ngelaban dosa.”—AP News, 8 Mac 2022.

•   “Kena Hari Satu, tuai Gerija Orthodox Ukraine, [ke begelar] Metropolitan Epiphanius I of Kyiv, merekatka sida ke nitihka iya lalu ngasuh sida ‘ngelaban orang Rusia ke nyerang’ . . . [Iya] mega madah, munuh soldadu Rusia nya ukai dosa.”—Jerusalem Post, 16 Mac 2022.

•   “Kami [the Ukrainian Council of Churches and Religious Organizations (UCCRO)] nyukung bala soldadu Ukraine sereta semua orang ke belaban kena ngetanka menua kami. Kami merekatka sida ke ngetanka menua Ukraine, lalu kami besampika sida.”—Jaku ari UCCRO a, 24 Februari 2022.

 Nama runding nuan? Kati tuai pengarap ke ngumbai diri murid Kristus patut meransang orang ba gerija sida mansang beperang? Nama utai ti dipadah Bup Kudus?

Agama masuk champur ba perang dalam sejarah

 Dalam sejarah, bala tuai pengarap suah madahka enda salah deka beperang, tauka beperang nya utai ti manah, indah orang enda tau enda beperang. Lalu ba maya ti sama sida madahka diri deka ngetanka pengelikun. Dalam bepuluh taun, Saksi-Saksi Jehovah udah nulung orang bukai meretika, utai tu nunjukka bala tuai pengarap nya orang ke pepura. Peratika sekeda chunto ke dipadah ba litaricha kami.

•   Artikel “Perang Salib—‘Ilusi yang Tragis’” nunjukka Gerija Roman Katolik betanggungjawapka pemati mayuh orang ke dibunuh dalam nama Petara enggau Kristus.

•   Artikel “Gereja Katolik di Afrika” meri siti chunto pasal agama ke nadai ngereja nama-nama utai kena nagang perang entara raban bansa, tauka pengawa munuh orang bansa bukai.

•   Artikel “Apakah Agama Dalangnya?,” “Peran Agama dalam Peperangan Manusia,” enggau “Agama Berpihak” nerangka baka ni tuai pengarap Katolik, Orthodox enggau Protestant kala nyukung kedua-dua piak ba perang.

Patut ke enda orang Kristian nyukung perang?

 Ajar Jesus: “Rinduka pangan nuan [tauka ‘orang bukai,’ NWT] baka nuan ke rinduka diri empu.” (Matthew 22:39) “Rinduka munsuh kita.”—Matthew 5:44-47.

 Jaku Jesus: ‘Perintah aku ukai ari dunya tu. Enti perintah aku ari dunya tu, bala orang ke nitihka aku tentu deka ngelaban ngambika aku enda diserahka ngagai orang Judah.’ (John 18:36) “Semua orang ke ngena pedang deka mati laban pedang.”—Matthew 26:47-52.

 Peratika: Enti Jesus enda ngasuh orang Kristian belaban kena ngelindung iya empu, kati bisi kebuah bukai sida patut beperang? Bacha artikel “Apakah Perang Sejalan dengan Kekristenan?” lalu peda baka ni orang Kristian ba abad keterubah nunda teladan Jesus sereta tetap nitihka ajar iya.

Nama deka nyadi ngagai agama ke nyukung perang?

 Bup Kudus ngajar Petara nulak agama ke ngumbai diri ngarika Jesus tang enda nitihka ajar iya.—Matthew 7:21-23; Titus 1:16.

•   Bup Pemandang nunjukka Petara ngumbai agama ke baka nya berutang “darah semua orang ke udah dibunuh di dunya.” (Pemandang 18:21, 24) Kena nemu kebuah iya, bacha artikel “Apakah Itu Babilon Besar?”

•   Jesus madahka, semua agama ke ditulak Petara deka dirusak ketegal pengawa sida ti jai, baka “kayu ti enda mansutka buah ti manah [ke] deka ditebang, lalu dibuai ngagai api.” (Matthew 7:15-20) Bacha artikel “The End of False Religion Is Near!” kena nemu baka ni utai tu deka nyadi.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images