MENGKANG BEJAGA!
Pegawai Opis Pengerai Nangkan Orang pasal Kesan Media Sosial ngagai Bala Nembiak. Nama Utai ti Dipadah Bup Kudus pasal Tu?
Kena 23 Mei 2023, siku pegawai opis pengerai ba Amerika Serikat nangkan orang mayuh pasal kesan ti enda manah ari media sosial ngagai bala nembiak.
“Taja pan media sosial ulih mai sekeda penguntung ngagai bala anak mit sereta bala nembiak, tang mayuh bukti ke nunjukka media sosial mega ulih ngemediska anak mit ari segi mental sereta fisikal sida.”—Riput Social Media and Youth Mental Health: The U.S. Surgeon General’s Advisory, 2023.
Riput nya madah pasal pansik ti ngirauka ati.
Bala nembiak ke beumur 12 ngagai 15 taun “ti ngena lebih ari 3 jam sehari kena meda media sosial dua kali lipat balat agi kena penanggul ba pengerai mental baka kemurungan enggau anxiety.”
Lebuh bala nembiak ke beumur 14 taun “ngena mayuh awak meda media sosial, sida suah enda chukup tinduk, dibuli ba internet, enda yakin enggau gamal diri empu, berasai nadai guna sereta berasai tusah ati. Tu balat nyadi ba sida ke indu bebanding enggau sida ke lelaki.”
Baka ni bala apai indai ulih nulung anak sida? Bup Kudus ngembuan jaku lalau ti ngena.
Utai ti ulih dikereja bala apai indai
Peratika situasi anak nuan. Bala apai indai, peratika kesan ari media sosial lalu gaga pemutus sekalika anak nuan patut ngena media sosial tauka enda.
Prinsip Bup Kudus: “Ajar anak mit jalai idup.”—Jaku-Dalam 22:6.
Kena belajar mayuh agi, bacha artikel “Patutkah Anak Saya Menggunakan Media Sosial?” dalam jaku Melayu.
Enti nuan ngemendarka anak nuan ngena media sosial, tentuka nuan nemu utai ti tau nganu sida lalu peratika pengawa sida lebuh sida ngena media sosial. Baka ni?
Ngelindung anak nuan ari meda utai ti enda manah. Latih meh anak nuan nemu utai ti patut diseliahka sida.
Prinsip Bup Kudus: “Anang nyebut pasal ulah seks ti kamah, semua macham utai ti kamah, tauka nyebut utai ti nunjukka kita amu . . . Anang mega nyebut pasal pengawa ti ngemaluka, utai ti beli, tauka jaku tundi ke enda senunuh.”—Epesus 5:3, 4.
Bacha sekeda tip ti beguna ba artikel “Mengajar Anak Anda Cara Menggunakan Media Sosial dengan Selamat” dalam jaku Melayu.
Netapka tatak. Ambika chunto, gaga atur kemaya sereta berapa lama anak nuan ulih meda media sosial.
Prinsip Bup Kudus: “Seruran bejaga sereta bejimat, ngambika kita . . . idup . . . baka orang ke bepenemu-dalam. Kena meh awak kita enggau manah.”—Epesus 5:15, 16.
Kena animasi papan putih Bejimat Lebuh Ngena Media Sosial kena nulung anak nuan nemu kebuah patut bisi tatak lebuh ngena media sosial.
Nuan Engka Rindu Meda Tu
LAKI BINI & RUANG BILIK
Kati Anak Aku Patut Ngembuan Handphone?
Semua tanya ke bisi ditu, nulung nuan empu sereta nentuka sekali anak nuan udah sedia megai tanggung pengawa tauka enda.
LAKI BINI & RUANG BILIK
Ngajar Anak Chara ti Betul Ngena Handphone
Taja pan anak pandai agi ngena perengka elektornik, tang apai indai agi patut ngiring anak sida ngena nya enggau betul.
NAMA KU NEMBIAK SERAMBAU ENGGAU NUAN
Nama Utai ti Disebut Nembiak Pasal Talipaun Binching
Mayuh bala nembiak madahka talipaun binching nya endur sida begulai enggau pangan diri. Nama pemanah enggau pengurang enti ngembuan talipaun binching?
TANYA ARI BALA NEMBIAK
Kati nya Amat Beguna Enti Mayuh Orang ‘Likes’ Sereta Mayuh ‘Follower’ ba Media Sosial?
Sekeda orang sanggup ngemedis diri, ngambi bulih mayuh follower enggau likes. Kati tebilang ba media sosial nya amat beguna?
TANYA ARI BALA NEMBIAK
Nama Kesan Media Sosial ngagai Aku?
Media sosial ulih ngasuh gian. Chara ke dipadah ba ditu ulih nulung nuan nagang diri.
PASAL KAMI
Pinta Datai
Kerandauka tanya pasal Bup Kudus, tauka belajar mayuh agi pasal Saksi-Saksi Jehovah.
