Saksi-Saksi Jehovah bisi ngatur chara ti manah alai nuan belajarka pemendar ari Bup Kudus. Kursus belajarka Bup Kudus tu ulih nulung nuan ngembuan:

•   Pengidup diri sebilik ti lantang

•   Kaul ti rapat enggau Petara

•   Penemu ari belajarka pasal utai jemah ila ti disemayaka dalam Bup Kudus

Ba artikel tu

•  Nama utai ke digaga maya belajarka Bup Kudus?

•  Kati kursus tu bebayar?

•  Berapa lama kursus tu?

•  Baka ni chara nitihka kursus tu?

•  Ulih enda aku nguji siti sesi dulu?

•  Enti sema aku enggau kursus tu, kati aku mesti nyadi Saksi-Saksi Jehovah?

•  Ulih enda aku ngena Bup Kudus aku empu?

•  Ulih enda aku mai orang bukai nitihka kursus tu?

•  Enti aku kala belajar enggau Saksi-Saksi Jehovah suba, ulih enda aku belajar baru?

•  Ulih enda aku belajarka Bup Kudus, tang enda ibuh begunaka bantu pengajar?

 Siku pengajar tauka penginjil deka nulung nuan belajarka Bup Kudus ngena bup Idup enggau Lantang Belama Iya! Nuan deka diajar ari siti pelajar ke siti pelajar, pasal pesan Bup Kudus sereta penguntung ke diulih nuan ari utai ke dipelajar. Kena nemu mayuh agi, peda meh video tu.

 Enda. Saksi-Saksi Jehovah nitihka pesan ke diberi Jesus ngagai bala murid iya ke bebunyi: “Kita udah nerima ngena chara pechuma, nya alai beri ngena chara pechuma.” (Matthew 10:8) Nambahka nya, semua litaricha ke dikena ba kursus tu enda bebayar, nyengkaum siti litaricha ke bepelasarka Bup Kudus ti betajuk, Idup enggau Lantang Belama Iya!

 Kursus tu bisi 60 iti pelajar. Nuan empu ulih milih, ni penyampau pelajar ke ulih nuan dalam tiap iti sesi. Mayuh orang milih, belajarka siti pelajar tauka lebih dalam ninting minggu.

1.  1. Isi pom nengah online. Kami semina ngena data peribadi ke diberi nuan, maya siku ari Saksi Jehovah ngiga nuan.

2.  2. Siku pengajar tauka penginjil deka ngiga nuan. Iya deka nerangka chara kursus tu dipejalaika, lalu nyaut sebarang utai ke deka ditanya nuan.

3.  3. Nuan enggau pengajar ulih ngaga atur. Seduai ulih ngatur belajarka Bup Kudus nya secara betunga mua tauka nengah talipun, video call, surat, tauka email. Suah iya, belajarka Bup Kudus tu begunaka sejam. Tang, nuan ulih milih ngemandakka agi timpuh jam nya tauka ngemanjaika agi, nitih ke ulih nuan.

 Nadai salah. Enti pia, isi meh pom nengah online. Lebuh pengajar ngiga nuan, padahka meh ngagai iya, nuan semina deka nguji siti sesi dulu. Pengajar deka ngena brosur Idup enggau Lantang Belama Iya! ti ngembuan tiga iti aja pelajar, kena nulung nuan ngasaika, kati nuan deka nerus tauka enda kursus tu.

 Enda. Saksi-Saksi Jehovah rindu ngajar Bup Kudus ngagai orang bukai, tang kami nadai kala mejal orang nitihka pengarap kami. Kami semina madahka utai ke bisi dalam Bup Kudus, lalu bebasaka hak tiap iku orang milih kediri empu ni bagi utai ke dipechayaka sida.—1 Peter 3:15.

 Au ulih. Nuan pan ulih ngena jenis bansa jaku ke dikedekaka nuan empu. Taja pan kami rindu agi ngena Bup Kudus Salin Dunya Baru, tang kami faham, tiap iku orang ulih milih kediri empu ni bagi salin ke deka dikena sida.

 Nadai nya salah. Nuan ulih mai semua diri sebilik sereta bala kaban nuan.

 Ulih. Engka nuan rindu agi nitihka kursus tu, laban kursus tu udah diaduka baru nitihka utai ke diguna orang kemayaharitu. Kursus tu senang agi, lalu ngembuan mayuh gambar enggau video dibandingka ari ke suba.

 Ulih. Taja pan mayuh ari utai ke dipelajar ba ditu manah agi diajar siku pengajar, tang sekeda orang senang agi belajar kediri empu ba keterubah iya. Ba begian Perengka kena Belajarka Bup Kudus, bisi lis ke ulih dikena nuan belajar tauka ngiga pansik. Semua tu pechuma aja. Tu sekeda utai ke ulih dikena nuan:

•   Video Bup Kudus. Utai ke dipelajar ari video ke pandak tu ulih nyaut tanya Bup Kudus ti penting.

•   Saut Ngagai Tanya Pasal Bup Kudus. Artikel ke bisi dalam tu nyaut mayuh bengkah tanya Bup Kudus.

•   Ayat Bup Kudus Diterangka. Reti ayat Bup Kudus ke suah dikena deka diterangka.