ƐLĀ Ō NWU ƆMƐ 55
Je Otabɔ Lɛ Ujɔ Ku Uwɔ
Ipu oduudu ɛcɛ, umiliyɔn alɛwa ku ācɛ yɔ i gba Ujehofa ɛ̄gbā mla eeye ipu ujɔ alɛwa. Ukɔ́ mla ogbotu néē gē miyɛ a jɛ uwa eyī nɛhi, ɛnyā gē ya kéē ya ɔtu caca ō je otabɔ lɛ ujɔ ɔwɛ alɛwa. Ɛgɔɔma nɛ ɔtu gē ya uwɔ lɛyikwu ujɔ ku uwɔ duu a?
1. Aɔwɛ ōhī nyá nɛ a lɔfu bi eko mla ɔfu ku uwɔ le je otabɔ lɛ ujɔ nɛ a yɔ anu a?
Ɛjɛɛji alɔ lɔfu je otabɔ ipu ujɔ gla. Ocabɔ, ó lɛ ācɛ ōhī ipu ujɔ ku uwɔ nōo kwu hila okpliici amāŋ nōó lɔfu iyē ŋ? A lɔfu je otabɔ lɛ uwa ŋma lɛ ō bi uwa gā ojila ku ujɔ gla a? Amāŋ, ō je otabɔ lɛ uwa ɔwɛ ɔhá bɛɛka ō bi ɔdole gē lɛ uwa amāŋ ō bi aɔdā ōhī néē cɛgbá a gē lɛ uwa amāŋ ō lɛ ɔlɛ uwa tu yeŋee gla a? (Jé Ujɛ́mīsi 1:27.) Alɔ klla lɔfu je iyi alɔ tɛɛcɛ ō lɛ Agbla ku Ajɔɔcɛ tu yeŋee klla tu ɔ bi. Ɔcɛ duuma i kwu alɔ ba ɔ ō ya aɔdā nōo ba a ŋ. Ihɔtu nɛ alɔ lɛ lɛ Ɔwɔico mla ayinɛ alɔ a ya ɛɛ nɛ alɔ “fu iyī [alɔ tɛɛcɛ] a.”—Aíjē Kú Ɛ̄gbā 110:3.
Ó lɛ aɔwɛ ōhī nɛ Ācɛ Ocijali ku Ujehofa nōo lɛ Ubatisim ya ɛ ma lɔfu je otabɔ lɛ ujɔ a gla kpɔ. Acɛnyilɔ nōo le jikoko ipu ɛlā Ɔwɔico lɔfu je piya ācɛ ō ta anyakwɔcɛ ku ujɔ abɔ, klla lɔfu je piya anyakwɔcɛ ku ujɔ igbihaajɛ. Ayinɛ nɔnya mla ayinɛ nɔnyilɔ lɔfu je otabɔ ipu uklɔ ku ɔna ō ta ŋma lɛ ō kwu piya ɔcɛ gbɔbu ɔna ō ta. Ācɛ Ocijali ōhī kē lɔfu je otabɔ ipu uklɔ ku agbla ku ajɔɔcɛ ō gwo amāŋ nyɔ gā ɛga nɛ ujɔ ōhī kē cɛgbá otabɔ ɔwɛ ɔhá.
2. Ɛgɛnyá nɛ alɔ lɔfu bi ije amāŋ aɔdā agbenu nɛ alɔ lɛ a le je otabɔ ipu ujɔ a?
Alɔ lɔfu bi “agbénú kú [alɔ] ohi wā í lɛ gbā Óndú ā ɛ̄gbā.” (Aíita 3:9) Alɔ gē gweeye nɛhi ō bi ije mla aɔdā agbenu nɛ alɔ lɛ a, le je otabɔ lɛ ujɔ nɛ alɔ yɔ ipu nu a mla ō je otabɔ lɛ uklɔ ku ɔna ō ta nōo yɔ i ya ipu oduudu ɛcɛ a. (Jé 2 Ācɛ Ukɔ́rīnti 9:7.) É klla gē bi ije mla aɔdā agbenu nɛ alɔ je a le je otabɔ eko nɛ amiya le ya. Ācɛ alɛwa gē le odee taajɛ ŋma ipu “ukpɛ̄ kú ɔdā [néē] lɛ ā” eko doodu kéē bi ɔ le je otabɔ. (Jé 1 Ācɛ Ukɔ́rīnti 16:2.) Alɔ lɔfu je otabɔ ŋma lɛ ō le ije tu ikpati néē i lɛ ije tu ɔ ipu ɛga ō gba ɛ̄gbā ku alɔ amāŋ ō bi ije a le je otabɔ o bu ipu donate.dan124.com. Ujehofa jɛga lɛ alɔ ō mafu ihɔtu nɛ alɔ lɛ lɛ ɔ a, ŋma lɛ ɛgɛ nɛ alɔ miya ō bi aɔdā agbenu ku alɔ le yuklɔ a.
JÉ GƆBU
Leyi yɛ ɔwɛ ōhī nɛ a lɔfu je otabɔ lɛ ujɔ a.
3. Alɔ lɔfu bi aɔdā agbenu ku alɔ le yuklɔ
Ujehofa mla Ujisɔsi yihɔtu ācɛ nōo gē je ɛhi ŋma ɔtu mla eeye a. Ocabɔ, Ujisɔsi cɛtra ɔnyokwu ogbɛha éyi nɛ ó lɛ nwune ŋ, nɛ ó kē ceyitikwu je ɛhi lɛ Ujehofa a. Jé Ulúku 21:1-4, cɛɛ ku aa kɔka lɛyikwu aɔka nōo ba nyā:
-
Ó cɛgbá ku alɔ bi ije nɛhi le je otabɔ, ɛɛ ku alɔ ya ɔdā nōo he Ujehofa ɔtu nɛɛ?
-
Ɛgɛnyá nɛ ɔtu gē ya Ujehofa mla Ujisɔsi lɛyikwu ācɛ nōo gē je ɛhi ŋma ɔtu a?
O ya ɛɛ ku a nwu ɛgɛ néē gē bi ɛhi nɛ alɔ gē je a le yuklɔ a, lɛ UVIDIO nyā mafu. Cɛɛ ku aa kɔka lɛyikwu ɔka nyā.
-
Ɛgɛnyá néē gē bi ɛhi nɛ alɔ gē je a le je otabɔ lɛ ujɔ ipu oduudu ɛcɛ a?
4. Alɔ lɔfu je iyi alɔ tɛɛcɛ ō je otabɔ
Ɛpleeko ku Ubáyíbu a, ācɛ ō gba Ujehofa ɛ̄gbā gē ceyitikwu yuklɔ mla ɔtu caca o ya ɛɛ kéē bēē tu ɛga néē i gba ɛ̄gbā a bi lɔɔlɔhi. Amáŋ, ɛnyā kē fiyɛ ō bi ije le je otabɔ anca. Jé 2 Úklɔ́ kú Aɔ́cɛ́ 34:9-11, cɛɛ ku aa kɔka lɛyikwu ɔka nyā:
-
Ɛgɛnyá nɛ eyeeye ku ācɛ Isrɛlu je otabɔ kéē teyi tu ɔlɛ ku Ujehofa amāŋ ɛga néē gē gba ɔ ɛ̄gbā a?
O ya ɛɛ ku a má ɛgɛ nɛ Ācɛ Ocijali Ku Ujehofa gē yɛce ocabɔ nōo yɔ ipu Ubáyíbu a, lɛ UVIDIO nyā mafu. Cɛɛ ku aa kɔka lɛyikwu aɔka nōo ba nyā.
-
Ɔdiya nōó cɛgbá ku alɔ lɛ Agbla ku Ajɔɔcɛ ku alɔ tu yeŋee klla ya kóō yɔ ipu āhɔ̄ olɔhi a?
-
Aɔwɛ ōhī nyá nɛ a lɔfu je otabɔ a?
5. Ayinɛ nɔnyilɔ lɔfu ceyitikwu kéē le cika jɛ ō yuklɔ nwune fiyɛ ipu ujɔ
Ubáyíbu tu ayinɛ nɔnyilɔ ku Ācɛ Ō Yɛce Ukraist ɔtu kwu ɔtu kéē ya ɔdā néē ya gla a, o ya ɛɛ kéē je otabɔ ipu ujɔ. O ya ɛɛ ku a má ocabɔ, lɛ UVIDIO nyā mafu. Cɛɛ ku aa kɔka lɛyikwu ɔka nyā.
-
Ipu uvidio a, ɔdi nɛ u Ryan ya o ya ɛɛ kóō je otabɔ fiyɛ ipu ujɔ a?
Ubáyíbu mafu uce ō ya ku ācɛ nōo gē ta anyakwɔcɛ ku ujɔ abɔ mla anyakwɔcɛ ku ujɔ. Jé 1 Utímōti 3:1-13, cɛɛ ku aa kɔka lɛyikwu aɔka nōo ba nyā:
ƆCƐ LƆFU DA ƆKA KA: “Imi nɛ Ācɛ Ocijali Ku Ujehofa gē lɛ ije ŋma ō le yuklɔ ku uwa a?”
-
Ɛgɛnyá nɛ a gáā cila ohi ku ɔka nyā a?
ƆDI NƐ A NWU A?
Ó gē je Ujehofa eyī nɛhi eko duuma nɛ alɔ bi eko, ɔfu mla aɔdā agbenu ku alɔ le je otabɔ ipu ujɔ.
Aɔka ō tu alɔ ɛlá kwu ɔdā nɛ alɔ nwu
-
Ɛgɛnyá nɛ alɔ géē bi eko mla ɔfu ku alɔ le je otabɔ ipu ujɔ a?
-
Ɛgɛnyá nɛ alɔ géē bi aɔdā agbenu ku alɔ le je otabɔ ipu ujɔ a?
-
Ɔwɛ ōhī nyá nɛ a géē dɔka ō je otabɔ ipu ujɔ a?
JILA ƐLĀ NYĀ MÁ TŌŌTƆ̄Ɔ̄
Leyi yɛ ɔdā nōo ya ɛɛ nɛ Ɔwɔico i dɔka ku ācɛ nōo gē gba ɔ ɛ̄gbā a kéē je éyi ŋma ipu igwo gɛ ŋ ma.
“Ɔdi Nɛ Ubáyíbu Ka Lɛyikwu Ɛ̄gbā Ku Éyi Ŋma Ipu Igwo A?” (Web article)
Ubáyíbu je íkwu ōhī lɛ acɛnyilɔ nōo lɛ ubatisim ya ɛ. Amáŋ ɔdaŋ ka ɔcɛnya nōo lɛ ubatisim ya ɛ ma cɛgbá ō ya aɔdā nɛ ɔcɛnyilɔ cika ō ya a bɛɛ?
“Íkwu Nɛ Anyakwɔcɛ Ku Ujɔ Lɛ Ipu Ujɔ A” (Ɔda Ō Gbaajɛ, Ɔya Ɔmpa 2021)
Má Ācɛ Ocijali Ku Ujehofa ōhī nōo mafu ɔtu ō lɛ ŋma lɛ ō leyi gwu ɔdā ōhī bonu o ya ɛɛ kéē bi ɔkpá ku alɔ gā ɛgiyi ācɛ ō gba Ujehofa ɛ̄gbā ɔmpa uwa a.
Má ɛgɛ nɛ alɔ gē lɛ ije ō bi le yuklɔ ku alɔ nōo wɛ ɛyɛɛyi gwu ɔwɛ nɛ aɔwɛ ō gba ɛ̄gbā ɔhá gē lɛ ije ku uwa a.
“Ɛgɛnyá Nɛ Ācɛ Ocijali Ku Ujehofa Gē Lɛ Ije Ō Bi Le Yuklɔ Ku Uwa?” (Web article)
