Ō NWU ƐGƐ NƐ ALƆ GÉĒ YUKLƆ KU ƆNA O TA | YA KU EEYE KU UWƆ KÓŌ NWUNE TŌŌTƆ̄Ɔ̄ IPU UKLƆ KU ƆNA Ō TA

Ta Ācɛ Nɛ A Gē Klɔcɛ Mla Uwa A Abɔ Kéē Bēē Gā Ojila Ku Ujɔ

GBƆƆ

Ōjila ku ujɔ wɛ aya ō cɛgbá ku ɛ̄gbā ō gba ku ɔkwɛyi. (Aíjē 22:22) Ɛjɛɛji ācɛ nōo gē jila tɔha kéē gba Ujehofa ɛ̄gbā a gē lɛ eeye klla gē miyɛ ɔhā alɛwa. (Aíjē 65:4) Ācɛ nɛ alɔ gē klɔcɛ ku Ubáyíbu mla uwa a gē jɛ gɔbu fiya fiya ɔdaŋ kéē gē wa ōjila ku ujɔ ojigogo.

Ɛgɛnyá nɛ a gáā ta ācɛ nɛ a gē klɔcɛ ku Ubáyíbu mla uwa a abɔ kéē wa ōjila ku ujɔ a? Bēē hi uwa ígwu kéē wa ōjila ku ujɔ. Lɛ uvidio nyā mafu lɛ uwa nōo kahinii: Ɔdi ge Ya Ipu Agbla ku Ajɔɔcɛ A? Da uwa lɛyikwu itene ku ōjila ku ujɔ a. (lff ɛlā ō nwu 10) A lɔfu da uwa aɛlā nɛ a nwu ŋma ipu ōjila ku ujɔ amāŋ da uwa ɔdā néē gáā kɛla lɛyikwu ɔ ipu ōjila ɔhá nōo yɔ i wa a. Je aɔkpá néē gē bi yuklɔ a lɛ uwa. Ɔdā ɔhá kpɔ, je otabɔ duuma nɛ a je lɛ uwa gla a. Á jé ŋ, é cɛgbá otabɔ o ya ɛɛ kéē wa ōjila ku ujɔ gla. Oceyitikwu duuma nɛ a ya o ya ɛɛ ku ɔcɛ nɛ a gē klɔcɛ mla ɔ a kóō wa ōjila igbo aflɛyi a cika jɛ.—1 Ukɔ́r. 14:24, 25.

Ɛ UVIDIO NYĀ MAFU NŌO KAHINII: TA ĀCƐ NƐ A GĒ KLƆCƐ MLA UWA A ABƆ KÉĒ BĒĒ GĀ OJILA KU UJƆ, CƐƐ AA LƐ ƆKA NŌO BA NYĀ CILA:

Ɛga nyá nɛ Ɛnɛ bi le hi Ɛbɛhi ígwu kóō wa ōjila ku ujɔ a?
Ɔdiya nɛ alɔ gē gweeye eko duuma nɛ ācɛ nɛ alɔ gē klɔcɛ ku Ubáyíbu mla uwa a wa ōjila ku ujɔ a?
“Ɔkwɔ̄ɔ̄kwɛ̄yi, Ɔwɔicō yɔ̄ mla aá”

Ɔdi ya da Ɛbɛhi eko nɛ ó wa ōjila ku ujɔ igbo aflɛyi a?