Ụwa nke Bụ Paradaịs

Jehova ga-emeghasịcha ihe ọjọọ nile Setan meworo. Jehova emewo ka Jisọs bụrụ Eze n’elu ala dum. N’okpuru ọchịchị ya, a ga-eme ka ụwa ghọọ paradaịs.​—Daniel 7:​13, 14; Luk 23:43.

Jehova kwere nkwa ihe ndị a:

ỤBA NKE IHE ORIRI: “Ala emewo ihe omume ya: Chineke, bụ́ Chineke anyị, ga-agọzi anyị.” “Ka ọtụtụ ọka dị n’ala n’elu ugwu nile.”​—Abụ Ọma 67:6; 72:16.

AGHA AGAGHỊ ADỊKWA: “Jeenụ, hụ ọrụ nile nke Jehova, onye doworo ihe ijuanya dị iche iche n’ụwa, na-eme ka agha nile kwụsị ruo nsọtụ ụwa.”​—Abụ Ọma 46:​8, 9.

NDỊ ỌJỌỌ AGAGHỊ ADỊKWA: “N’ihi na a ga-ebipụ ndị na-eme ihe ọjọọ . . . ma ọ fọdụrụ nwa mgbe, onye na-emebi iwu agaghị adịkwa: ị ga-elekwasịkwa ọnọdụ ya anya, ma ọ gaghị anọ.”​—Abụ Ọma 37:​9, 10.

 ỌRỊA, IRU ÚJÚ, MA Ọ BỤ ỌNWỤ AGAGHỊ ADỊKWA: “Mgbe ahụ ka a ga-emeghe anya ndị ìsì, ọ bụkwa ntị nke ndị ntị chiri ka a ga-emeghe. Mgbe ahụ ka onye ngwụrọ ga-amali dị ka ele, ire onye ogbi ga-etikwa mkpu ọṅụ.”​—Aịsaịa 35:​5, 6.

“Chineke onwe ya ga-anọnyekwara ha, bụrụkwa Chineke ha: ọ ga-ehichapụkwa anya mmiri nile ọ bụla n’anya ha; ọnwụ agaghị adịkwa ọzọ; iru újú ma ọ bụ ịkwa ákwá ma ọ bụ ahụ ụfụ agaghị adịkwa ọzọ: ihe mbụ nile agabigawo.”​—Mkpughe 21:​3, 4.

N’adịghị ka Setan na ndị mmụọ ọjọọ ya, Jehova adịghị ekwu okwu ụgha ma ọlị. Ihe ọ bụla o kwere ná nkwa aghaghị imezu. (Luk 1:​36, 37) Jehova hụrụ gị n’anya, chọọkwa ka ị dịrị ndụ n’ime Paradaịs ahụ nke ọ gaje ime. Ya mere, jekwuru Ndịàmà Jehova ka ị mụtakwuo ihe banyere eziokwu ndị dị ebube a na-achọta n’ime Okwu Chineke. Ọ bụrụ na i tinye eziokwu ahụ ná ndụ gị, a ga-atọhapụ gị site n’agbụ nke okwu ụgha, nkwenkwe ndị na-enweghị isi, na amaghị ihe. Mgbe oge ya ruru, a ga-anapụta gị ọbụna site n’agbụ nke mmehie na ọnwụ. Dị ka Jisọs kwuru: “Unu ga-amarakwa eziokwu, eziokwu ahụ ga-emekwa ka unu pụọ n’ohu.”​—Jọn 8:32.