Abụ Ọma 26:1-12
Abụ Devid.
26 Jehova, biko, kpee m ikpe, n’ihi na m na-erubere gị isi.+
Ọ bụ Jehova ka m tụkwasịrị obi. Enweghị m obi abụọ ọ bụla.+
2 Jehova, biko, nyochaa m, nwaleekwa m.
Nụchaa obi m na ihe m na-eche n’ala ala obi m.*+
3 N’ihi na m na-echeta ịhụnanya gị mgbe niile,M na-ejekwa ije n’ezigbo ụzọ gị.+
4 Mụ na ndị aghụghọ anaghị akpa.*+
Mụ na ndị na-ezochi ụdị ndị ha bụ* anaghịkwa anọ.
5 M kpọrọ òtù ndị na-eme ihe ọjọọ asị,+Anaghịkwa m ekwe ka mụ na ndị ọjọọ na-akpa.*+
6 M ga-akwọ aka m iji gosi na aka m dị ọcha.
Jehova, m ga-aga ebe ịchụàjà gị gburugburu,
7 Iji kelee gị n’olu dara ụda+Ma kọsaa ọrụ niile dị ebube ị na-arụ.
8 Jehova, eji m ụlọ gị, bụ́ ebe i bi, kpọrọ ihe,+Bụ́ ebe ebube gị dị.+
9 Egbukọtala mụ* na ndị mmehie,+Egbukọtakwala mụ na ndị tigbuo zọgbuo,*
10 Ndị na-eme omume na-eme ihere,Ndị na-anara aka azụ.*
11 Ma, m ga na-erubere gị isi.
Napụta m ma meere m amara.
12 M guzo n’ebe ihe ọ bụla na-agaghị eme m.*+
M ga-anọ n’ọgbakọ buru ibu too Jehova.+
Ihe E Dere n'Ala Ala Peeji
^ Na Hibru, “akụrụ m.”
^ Na Hibru, “anọ.”
^ Ma ọ bụ “ndị ihu abụọ.”
^ Na Hibru, “na-anọ.”
^ Ma ọ bụ “mkpụrụ obi m.”
^ Ma ọ bụ “ndị na-awụfu ọbara.”
^ Ma ọ bụ “Ndị na-enye ndị ọzọ aka azụ.”
^ Na Hibru, “Ụkwụ m guzo n’ala dị larịị.”
