Abụ Ọma 48:1-14
Abụ ọma. Abụ ụmụ Kora.+
48 Jehova bụ onye ukwu, onye ọ bụla kwesịkwara ịna-eto yaN’obodo Chineke anyị, n’ugwu nsọ ya.
2 Ugwu Zayọn nke dị n’ime ime ebe ugwu,Bụ́ obodo Eze Ukwu,+Mara mma n’ebe dị ezigbo elu ọ dị, bụrụkwa obodo na-eme ka ụwa niile ṅụrịa ọṅụ.+
3 N’ụlọ elu ndị a rụsiri ike dị na ya,Chineke emeela ka a mara na ya bụ ebe mmadụ na-agbaba, aka aghara ịkpa ya.+
4 Lee, ndị eze ezukọtala.
Ha niile enurula bịa.
5 Mgbe ha hụrụ ya, o juru ha anya.
Egwu tụrụ ha, ha wee gbalaga n’ihi ụjọ.
6 Ụjọ jidere ha n’ebe ahụ.
Ha hụsiri anya ka nwaanyị na-amụ nwa.
7 I ji ifufe nke si n’ebe ọwụwa anyanwụ mee ka ụgbọ mmiri Tashish kpuo.
8 Anyị nọ n’obodo Jehova nke ụsụụ ndị agha, n’obodo Chineke anyị,Hụ ihe ndị anyị nụrụ n’akụkọ.
Chineke ga-echebe obodo a ruo mgbe ebighị ebi.+ (Sila)
9 Chineke, anyị nọ n’ụlọ nsọ gịNa-echebara ịhụnanya gị echiche.+
10 Chineke, otuto a na-eto gị na-eru n’ebe niile n’ụwaOtú aha gị si ede ude n’ebe niile n’ụwa.+
Ị na-eji ike* gị eme ihe ziri ezi.+
11 Ka Ugwu Zayọn+ ṅụrịa ọṅụ,Ka obodo ndị dị na Juda nwee obi ụtọ n’ihi ikpe ị na-ekpe.+
12 Gaanụ Zayọn gburugburu. Gazuonụ ya okirikiri.
Gụọnụ ụlọ elu ndị dị na ya ọnụ.+
13 Chebaranụ mgbidi ya ndị siri ike echiche.+
Leruonụ ụlọ elu ndị dị na ya a rụsiri ike anya,Ka unu wee kọọrọ ya ọgbọ ndị na-abịa abịa.
14 N’ihi na Chineke a bụ Chineke anyị+ ruo mgbe niile ebighị ebi.
Ọ ga-edu anyị ruo mgbe niile ebighị ebi.*+
