Abụ Ọma 87:1-7
-
Zayọn bụ obodo ezi Chineke
-
Ndị a mụrụ na Zayọn (4-6)
-
Abụ ụmụ Kora.+ Abụ ọma.
87 Chineke tọrọ ntọala obodo ya n’ugwu dị nsọ.+
2 Jehova nwere mmasị na Zayọn*+Karịa n’ebe niile ọzọ n’Izrel.*
3 Gị obodo ezi Chineke,+ a na-ekwu ọtụtụ ihe dị ịtụnanya banyere gị. (Sila)
4 M ga-agụnye ndị bi na Rehab+ nakwa na Babịlọn ná ndị ma m.
A ga-ekwu gbasara ndị Filistia, ndị Taya ma ọ bụ ndị Kush,Sị: “A mụrụ onye a n’ebe ahụ.”
5 A ga-ekwukwa banyere Zayọn, sị:
“A mụrụ onye nke ọ bụla n’ime ha na ya.”
Onye Kacha Elu ga-emekwa ka Zayọn kwụsie ike.
6 Mgbe Jehova ga na-edeba aha ndị dị iche iche n’akwụkwọ, ọ ga-ekwu, sị:
“A mụrụ onye a n’ebe ahụ.” (Sila)
7 Ndị na-agụ egwú+ nakwa ndị na-agba egwú a na-agba gburugburu gburugburu+ ga-asị:
“Ihe ọma niile na-abịara anyị si n’aka gị.”+
Ihe E Dere n'Ala Ala Peeji
^ Na Hibru, “n’ọnụ ụzọ ámá Zayọn.”
^ Na Hibru, “n’ụlọikwuu niile nke Jekọb.”
