Ilu 29:1-27
29 Onye a dọrọ aka ná ntị ugboro ugboro ma ya agbaa isi akwara,+A ga-ala ya n’iyi kpamkpam na mberede.+
2 Mgbe ndị ezi omume dị ọtụtụ, ndị mmadụ na-aṅụrị ọṅụ,Ma mgbe onye ajọ omume na-achị, ndị mmadụ na-asụ ude.+
3 Onye ji amamihe kpọrọ ihe na-eme nna ya obi ụtọ,+Ma onye ya na ndị akwụna na-akpa na-ala akụ̀ ya n’iyi.+
4 Ọ bụrụ na eze na-ekpe ikpe ziri ezi, ihe na-adị mma n’obodo,+Ma onye na-achọ ka e nye ya aka azụ na-ala obodo n’iyi.
5 Onye na-eto onye agbata obi ya otuto elu ọnụNa-agbasara ya ụgbụ ka ọ zọnye ụkwụ.+
6 Mmehie onye ajọ omume ga-eme ka ọ ma n’ọnyà,+Ma onye ezi omume na-eti mkpu ọṅụ ma na-enwe obi ụtọ.+
7 Onye ezi omume na-achọ ka e meere ndị ogbenye ihe ruuru ha,+Ma onye ajọ omume achọghịdị ịma gbasara ha.+
8 Ndị na-etu ọnụ na-amụnye obodo ọkụ,+Ma ndị ma ihe na-eme ka iwe dajụọ.+
9 Ọ bụrụ na onye ma ihe ekwe ka ya na onye iberiibe rụwa ụka,Mba na ịkwa emo ga-arị ibe ha elu, ma onye ahụ ma ihe agaghị ezu ike.+
10 Ndị na-egbu mmadụ na-akpọ onye ọ bụla aka ya dị ọcha asị,+Ha na-achọkwa ka ha gbuo ndị ezi omume.*
11 Onye nzuzu na-ewe iwe ruo n’isi,*+Ma onye ma ihe na-ejide onwe ya.+
12 Ọ bụrụ na onye ọchịchị na-ege okwu ụgha,Ndị niile na-ejere ya ozi ga-abụ ndị ajọ omume.+
13 Ihe jikọrọ ogbenye na onye na-emegbu ya bụ naỌ bụ Jehova nyere ha abụọ ndụ.*
14 Mgbe eze na-ekpe ndị ogbenye ikpe ziri ezi,+Ọchịchị ya agaghị enwe nsogbu ọ bụla.+
15 Ụtarị* na mba na-eme ka mmadụ mara ihe,+Ma nwatakịrị a hapụrụ ka ọ na-eme otú masịrị ya na-emenye nne ya ihere.
16 Mgbe ndị ajọ omume dị ọtụtụ, mmehie na-adị ọtụtụ,Ma ndị ezi omume ga-ahụ ka ndị ajọ omume na-ada.+
17 Dọọ nwa gị aka ná ntị, ọ ga-eme ka obi ruo gị ala.
Ọ ga-emekwa ka i* nwee ezigbo obi ụtọ.+
18 N’ebe a na-enweghị ndị amụma na-ahụ ọhụụ,* ndị mmadụ na-eme ihe masịrị ha.+
Ma ndị na-edebe iwu na-enwe obi ụtọ.+
19 Onye na-eje ozi agaghị anabata okwu a gwara ya mgbe a na-adọ ya aka ná ntị.
N’agbanyeghị na ọ na-aghọta ihe a gwara ya, ọ naghị erube isi.+
20 Ọ dị mfe inyere onye nzuzu aka+Karịa inyere onye na-ekwu okwu n’echeghị echiche aka.+
21 Ọ bụrụ na mmadụ esi n’oge onye na-ejere ya ozi bụ nwata zụtọọ ya,E mechaa, onye na-ejere ya ozi agaghị eji ya kpọrọ ihe.
22 Onye na-ewekarị iwe na-eme ka e sewe okwu.+
Onye ọ bụla nke na-ewekarị oké iwe na-eme ọtụtụ mmehie.+
23 Onye dị mpako ga-ada,+Ma a ga-akwanyere onye ọ bụla dị umeala n’obi ùgwù.+
24 Onye na-enyere onye ohi aka kpọrọ onwe* ya asị.
O nwere ike ịnụ òkù a kpọrọ ya ka ọ bịa gbaa akaebe,* ma e nweghị ihe ọ ga-ekwu.+
25 Ịtụ mmadụ egwu na-eme ka mmadụ ma n’ọnyà,+Ma a ga-echebe onye tụkwasịrị Jehova obi.+
26 Ọtụtụ ndị na-achọ ka ha hụ onye ọchịchị,*Ma ọ bụ Jehova na-eme ka e kpee mmadụ ikpe ziri ezi.+
27 Ndị ezi omume kpọrọ onye na-anaghị akwụwa aka ọtọ asị,+Ma onye ajọ omume kpọrọ onye na-eme ihe ziri ezi asị.+
Ihe E Dere n'Ala Ala Peeji
^ O nwere ike ịbụ, “Ma onye ezi omume na-agbalị ka o chebe ya ndụ.”
^ Ma ọ bụ “na-egosicha otú obi dị ya.”
^ Na Hibru, “na-eme ka anya ha abụọ na-ahụ ìhè.”
^ Ma ọ bụ “Ịdọ aka ná ntị.”
^ Ma ọ bụ “mkpụrụ obi gị.”
^ Na Hibru, “a na-enweghị ọhụụ.”
^ Ma ọ bụ “mkpụrụ obi.”
^ Ma ọ bụ “ịnụ ọnụ a bụrụ.”
^ O nwere ike ịbụ, “na-achọ ka ha na onye ọchịchị dị ná mma.” Na Hibru, “na-achọ ihu onye ọchịchị.”
