“Ndị bụ́ di kwesịkwara isi otú ahụ hụ nwunye ha n’anya otú ha si hụ ahụ́ nke ha n’anya. Onye hụrụ nwunye ya n’anya hụrụ onwe ya n’anya. N’ihi na ọ dịghị mmadụ ọ bụla kpọtụrụla ahụ́ ya asị, kama ọ na-azụ ahụ́ ya, na-elekọtakwa ya . . . Onye ọ bụla n’ime unu hụ nwunye ya n’anya otú ọ hụrụ onwe ya.”

Ndị Efesọs 5:28, 29, 33

“Ndị nna, unu akpasula ụmụ unu iwe, kama na-azụnụ ha, na-agbazikwanụ ha otú Jehova chọrọ.”

Ndị Efesọs 6:4

“Nwunye kwesịkwara ịna-akwanyere di ya ezigbo ùgwù.”

Ndị Efesọs 5:33

“Ndị nwunye, na-edonụ onwe unu n’okpuru di unu. Ọ bụ ihe Onyenwe anyị chọrọ.”

Ndị Kọlọsi 3:18

“Ụmụ, na-eruberenụ ndị mụrụ unu isi otú dị Onyenwe anyị mma, n’ihi na ọ bụ ihe Chineke chọrọ. ‘Sọpụrụ nne gị na nna gị’ bụ iwu mbụ e nyere nke ga-eme ka i nweta ngọzi a: ‘Ka ihe wee gaziere gị, gị adịkwa ogologo ndụ n’ụwa.’”

Ndị Efesọs 6:1-3

“Ụmụ, na-eruberenụ ndị mụrụ unu isi n’ihe niile, n’ihi na ọ na-amasị Onyenwe anyị.”

Ndị Kọlọsi 3:20