Gosi Ndị Ọzọ Na Ị Hụrụ Ha n’Anya
Nsogbu Egosighị Ndị Ọzọ na Ị Hụrụ Ha n’Anya Nwere Ike Ịkpata
Ọ naghị adịrị ndị kpọrọ ndị ọzọ asị mfe ịkwụsị ịkpọ ha asị. Onye na-arịa ọrịa na-agba mbọ tupu ọrịa ya akwụsị, ọ na-ewekwa oge. Otú ahụ ka ọ dịkwa onye kpọrọ ndị ọzọ asị. Ọ na-agba mbọ tupu ya akwụsị ya, ọ na-ewekwa oge. Gịnị ka i nwere ike ime iji wepụ ịkpọasị n’obi gị?
Amaokwu Baịbụl Ga-enyere Gị Aka
“Yirinụ ịhụnanya dị ka uwe, n’ihi na ọ bụ ihe nkekọ zuru okè nke ịdị n’otu.”—NDỊ KỌLỌSI 3:14.
Olee ihe amaokwu a na-akụziri anyị? Imere ndị ọzọ ihe ọma na-eme ka anyị na ha dị n’otu. Ọ bụrụ na gị ana-emere ndị ọzọ ihe ọma, ị ga-eji nwayọọ nwayọọ kwụsị ịkpọ ha asị. Ị na-ahụkwu ndị ọzọ n’anya, ị gaghịzi akpọ ha asị n’obi gị ma ọ bụ na-ele ha anya ka ndị na-enweghị ihe ha bụ.
Ihe I Nwere Ike Ime
Chee gbasara ihe ọma i nwere ike imere ndị si n’otu agbụrụ ị na-ele anya ọjọọ. Ọ bụghị iwu na ọ ga-abụ ihe buru oké ibu. Gbalịa mee otu ma ọ bụ karịa n’ime ihe ndị a:
Ntakịrị ihe ọma ọ bụla i meere mmadụ ga-eme ka ị kwụsịtụ ịkpọ ya asị
Kpaso ha àgwà ọma. I nwere ike biliere otu n’ime ha n’oche ma ị nọrọ n’ụgbọala ọhaneze ma ọ bụkwanụ mepeere ha ụzọ ma ha gafewe.
Gị na ha kparịtatụ ụka, ọ bụrụgodi na ha anaghị asụ asụsụ gị nke ọma.
Nweere ha ndidi ma ha mee ihe ị na-aghọtaghị.
Ha kwuwe gbasara nsogbu ndị ha nwere, gosi na ọ na-ewute gị.
Isiokwu A Nwekwara Ike Ịmasị Gị
TETA!
Otú Anyị na Ndị Ọzọ Ga-esi Na-adị n’Udo
Olee àgwà ndị ga-enyere anyị aka ka anyị na ndị ọzọ na-adị n’udo?
