Ị chaabwọ nya oligu lala “ọngọhẹ ọ ka che ba ọngọkịla bwula ọháha ọlẹ kọ la ẹ-ẹga nyamwụ lee ihi ọlẹ kọ la ha ọngọọwa.” Ọ-chụ pwokwita, iJonatan bala iDevidi dọmwụ nya igu ọnyọọngịrị ọrịrị ẹ-ẹkpẹ nyọlẹ ká iDevidi nwụ iGolayatị kpá. (1Sam 18:1) Ọlẹng ọnyị myị́ ọnyị la abwẹla ịlẹ kị ka du ká angịkịla ka tịtọ nyọka ri igu balọọ. Lẹẹlẹ, igu oriri ọnyọọngịrị kpụnịrọ ẹla ọjẹ́jẹ rige-rige. Ọ-ka jẹ́ ọngịnyị ọkịla kaa ye ụka bala ọngịrị yẹẹyẹẹ. Ma, ụ-ụwa intanẹtị ọ-kpa joja, ọchịkpẹẹ nya angịnyị ọ-ka jẹ́-ẹ ri “aligu” nya awụlẹ bwula ọ-yụbwọ ba ifon nyaa kem. Chajị angịnyị ị-la intanẹtị jẹ́ kaa nwụla ẹla ọlẹ kị ka ya kpangga nọ bala ọ-la ọngịrị u-uhye nya irya ọlẹ ká angịkịla kaa kụ u-uhye nyaa, ọ tị kaa chịkpẹẹ nyọka ya ọngọlẹ kị ri kpangga kpịbaa hi angịkịla. Lẹẹlẹ, ọbaba nyọka kụ irya yẹẹyẹẹ u-uhye nya angịlẹ kahị ka ye myị nya aligu nyahị. Kori ká ọngịnyị ọlẹ ka jẹ́ yẹẹyẹẹ ka, á tịtọ nyọka ri igu tang i-intanẹtị ọ-kpa joja, á juhi nyọka pwa chajị nyori ọngọọwa ka wẹjẹ tang ka. Chajị nya ang oluhi-uhi ọlẹ kọ juwa lẹ, angịhyẹ chụ nyọka kpa intanẹtị ọ-kpa joja họ ụkụrwọ kpong-kpong ka. Ma, kori ká chụ nyọka kpa intanẹtị ọ-kpa joja họ ụkụrwọ aalẹ, ịịyẹ a tị́ ka kpa i-irya?

YẸ IFIM ỌLẸ KỌ RI JẸ́ IJẸẸHỊ NYA INTANẸTỊ Ọ-KPA JOJA, KANỤ WẸ ỊTỌ ẸLA ILEJI ỊLẸ:

• Ịyẹ ahị tị́ ka kụ irya ju ene kahị ka da ụpwụ bala ọ-ya ifoto nyahị ju intanẹtị?

• Ịyẹ à tị́ du ká ka kpa ẹla ọjẹ́jẹ chụ aligu nyang ị-la intanẹtị?

• Ịyẹ à tị́ du ká ka chị nọ ụka ịmanyị ọlẹ ká ka bịrị ju intanẹtị ọ-kpa joja?​—Efe 5:15, 16