KPA ẸRỤ ỌNYỊỊLA PYẸ YẸẸYẸ | YE ỌKẸKẸNỊ GỤ ỌWỌWA Ẹ-ẸPWỤ NYA ẸRỤ ỌNYỊỊLA Ọ-KPA PYẸ NYANG
Mẹjẹ Angịlẹ Á kaa Mẹ ỊBayịbụụ Jẹ Nyọka Jẹ́ Ẹla nya Ohe Lịlaa
Ọ-ka daa ụbwọ wẹ ka jẹ́ iJihova bala ọ-ka wẹ ka ri adam ọlẹng ẹ-ẹpwụ nya ang nya olegu, o-ri opyii ká angịlẹ kahị kaa mẹ ịBayịbụụ jẹ ka jẹ́ ẹlịlẹhị gụ ọlẹ kahị wẹẹ mẹjáa. (Mat 5:3; Hib 5:12–6:2) O-ri pyii kị ka jẹ́ jaabwọ kị ka bwu jé ẹla nya Ohe lịlaa.
Bwu ọmwụ ọdada nya ang ọjẹ́jẹ nyanụ, mẹjẹ angịlẹ ká ka mẹ ịBayịbụụ jẹ abwọlẹ kị ka bwu nwụlanọ gbe ang ọjẹ́jẹ nyaa bala ọ-jwaa ọhụ nyọka họ ịnyị. (mwb18.03 6) Jwaa ọhụ nyọka raabwọ ene nya ang ọjẹ́jẹ ọnyị myị́ ọnyị ọlẹ kị ka họ. Daa ụbwọ nyọka jẹ jaabwọ kị ka ye ang-abwọ ị-kpa jẹ ang ịkịla bwu ọhụ. Mẹjáa jaabwọ kị ka yẹ ang inyeewe ịla jw.org bala ịla JW Broadcasting®. Mẹjáa dụmwọ-dụmwọ nyọka wa ịBayịbụụ ẹnụ myị́ ẹnụ, nwụlanọ gbe ọjịra-jịra, bala ọ-ka mwahị nya ọwẹwẹ nya ịtọ ẹla ịhyẹ ịlẹ kị ka la. Daa ụbwọ kị ka kụ irya kpori-kpori u-uhye nya ang ọlẹ kị wẹ jẹ́.
YẸ IFIM ỌLẸ KỌ RI DA ANGỊLẸ Á KAA MẸ ỊBAYỊBỤỤ JẸ ỤBWỌ NYỌKA JẸ́ ẸLA NYA OHE LỊLAA, KANỤ WẸ ỊTỌ ẸLA ILEJI ỊLẸ:
-
Ányị Inori à tị́ da Agidi ụbwọ nyọka wẹ ka jẹ́ nyori ang ọjẹ́jẹ nyaa gụ ọ-ka ye ọwẹwẹ nya ịtọ ẹla kem?
-
Ịyẹ à tị́ da Agidi ụbwọ nyọka wẹ ka la ọ-jẹ́ myị̀myị̀ nyori iJihova jẹ́ ang nyọlẹ kọ pwa ẹla nya ụya ọhọhọ?
-
Mẹjẹ angịlẹ ká ka mẹ ịBayịbụụ jẹ abwọlẹ kị ka jẹ́ ẹla ịlẹ kị baba bala abwọlẹ kị ka kpa ẹla ịịwa họ ụkụrwọ
Ẹlịyẹ Agidi à tị́ wẹ jẹ́ u-uhye nya irya ọ-kụ kpori-kpori ju ang?
