Ahụ bala ọrụ ịhyẹ kị kaa wa oja nya ọhịhị nya aanahị alụtụrụ ọnyị myị́ ọnyị yẹkẹẹ: “Oja ịwẹ kaa ya ọkẹkẹnị bala ọhụ ojuju hahị yẹẹyẹẹ! Ị kpụhị ịtịya nyori ahị ịnyịnyị ka jẹ́-ẹ bọhụ ẹ-ẹpwụ nya iwe-ahụrụ ọnyị myị́ ọnyị.” Ọọnahị ọnyang ọhẹ kọ lọọ ịịwẹ ịnyịnyị da ụpwụ yẹkẹẹ: “Oja nya ọhịhị ịwẹ kaa kpụ́ ọngịnyị ẹjẹ, ị kaa gu ọngịnyị gbịla, ị tị kaa kpịpyọ ịnyịnyị. Ọhịhị nya aanahị alẹng bala anyang ịwẹ la etu yẹẹyẹẹ. Oja nyaa gum gbịla nyọka họ gụ́ ọọwa ẹ-ẹpwụ nya ẹrụ ọnyịịla ọ-kpa pyẹ bala ọ-dam ụbwọ nyọka kpa anyị nyam ụgbẹyị nyọka họ ụkụrwọ ha iJihova la ọhịhị nyaa wuu.”

Oja nya ọhịhị nya aanahị ka jẹ́-ẹ gung gbịla nyọka họ ụkụrwọ ha iJihova gụ́ ọọwa, nyọka kụrụ ọdẹwụ-dẹwụ nyang, bala ọ-ka bọhụ ẹ-ẹpwụ nya ịmayẹ ịnyịịngịrị la ọkẹkẹnị. Ányị a tị́ ka bwu yẹ oja ịwẹ?

• Ka ẹga nya ebwo nya egbeju nya ẹla ịlẹ kị ri “Oja nya Ọhịhị nya Alibeenu nya IJihova” ịị jw.org lee JW Library®.

• Mwahị nya “Oja nya Ọhịhị nya Alibeenu nya IJihova” ịị Watchtower ONLINE LIBRARY^™ lee Watchtower Library.