Ukọchẹ 14

Alu k’Amẹnibenu Jihofa Hiọla-ma Jọ

Ẹgba Amẹnibenu Jihofa abajọ-i nẹ uchanẹ ma? (1)

Ab’Amẹnibenu Jihofa ache ujeju ma? (2)

Ab’umadeju t’ọkọ ẹkpabiẹ? (3)

Ẹnẹ atọgba ef ujeju du? (4)

Ujeju lile nya ma ache ọdọ du? (5)

Ukọlọ nya ma ache am’ọgwẹta kpai amẹtọ ọfisi ma? (6)

1. Amẹnibenu Jihofa nẹ uchanẹ-ma abajọ-i ef ọdọ 1870. Ejodudu, ma dọ ma Amakọchẹ Baibul. Ama ef ọdọ 1931 ma m’odu Kiafọ Amẹnibenu Jihofa gba. (Aizaya 43:10) Kwo uchanẹ ree ujọ lẹ gba nyọgba tu Amẹnibenu miliyọn wewe, ku ma achukọlọ akoya eta ojanẹ ki tu 230 le.

2. Ojile Amẹnibenu Jihofa anẹ ujeju onu mẹta ef aladi. Ma ad’ẹ k’ẹ w’e-du. (Abo Hibru 10:24, 25) Baibul ch’ẹwñ ku ma akọ. Ujeju du achanẹ kpai adua mala akpoji kpai adua. Ma ‘akeli efafu’ ki agwunyonẹ ẹdọ ef ojile ujeju ma. (Abo Ẹfẹsus 5:18, 19) Ma agb’amonẹ ele, ma la gb’ọkọ du n.—Matiu 10:8.

3. Ojile ab’ujeju ache ujeju ma ef Unyi Ujeju. E-kidẹ che unyi k’Amẹnibenu gẹd’ọlama kọ dẹ. Ẹneke li ojibo du, oli akọfida, abẹk ẹwñ aba-i ef Unyi Ujeju lẹ n. Ma arọmẹ ẹwñ ku ma che lef ọkọ egẹdọla tẹ. Ñwabo du ku ma tene etọkọ, akpati ku ma atọkọ  dọmọ.—2 Abo Kọrint 9:7.

4. Ef ujeju du, abogijo, abẹk amadejutẹ. Ma ch’amẹmutọgba ef ukọ ef ujeju. (1 Timoti 3:1-7; 5:17) Amach’ẹwñ ñw onẹ ach’atekoma. (1 Timoti 3:8-10, 12, 13) Abo-i du ọla ma nyatẹ t’abo omunẹ le ef ujeju n. (2 Abo Kọrint 1:24) Ma d’odu ukọlọ kpaka ñwu ma n. (Matiu 23:8-10) Ma la rọmẹ ukọlọ ku ma che ñwu ma n. Ma mọla ojoji ñw abo ki bọ n. Abogijo gẹdọlama adejutẹ amẹwñ ekwu ef afu abo ujeju. Ma neke du unyẹdọ kpai ọna ña iko ihianyi.—Jemẹs 5:14-16; 1 Pita 5:2, 3.

5. Amẹnibenu Jihofa ñọ nẹ ujeju lile ọdọdu. Adiko-i abo ujeju wewe wa dama efu ẹwñ eche kpaka ki che ukọọla Baibul. Eche amakọchẹ etitọ baptism ch’ẹwñ ku ma che ẹgba du ef ujeju kekele abẹk e-lile.—Matiu 3:13-17; 28:19, 20.

6. Ogwẹta Amẹnibenu Jihofa ọgbọ-ilẹ dẹ New York. Ọmọ abo Amadeju t’Ukọlọ, ogwẹta ugbo k’abogijo ki m’ẹwñ ku ma adejut’ujeju ọgbọ-ilẹ-i jọ. Ẹ tọ ọfisi ki tu 100 le ñọ dọmọ lalẹ ilẹ-i. Emi-kidẹ, abo ku ma gẹdọlama chabunẹ ku ma kọ ọtakada ukọchẹ Baibul kpuchẹ lef ọkọ ejomi. Ma ñọ adu ña alu ku ma achukọlọ akoya gẹ. Ẹwñ chi kẹ ma mọla k’ẹ nya d’ejudo ẹtọ ọfisi ki mẹr’ẹ n?