Petsa: Nobiembre 1-3, 2019

Lokasion: Mall of Asia Arena ken SMX Convention Center iti Manila, Philippines

Lengguahe ti Programa: English, Tagalog

Kangatuan a Bilang ti Immatender: 26,245

Bilang ti Nabautisaran: 145

Bilang ti Delegado Manipud iti Agduduma a Pagilian: 5,397

Naawis a Sangay: Australasia, Central Europe, France, Indonesia, Italy, Japan, Kazakhstan, Madagascar, Malaysia, Myanmar, Papua New Guinea, Solomon Islands, South Africa, Sri Lanka, Taiwan, Thailand, United States

Kapadasan: Kinuna ni Rogelio Jolongbayan, a regional manager of customer relations iti Mall of Asia Arena: “Dakayo pay laeng ti kauurnosan a grupo a nakaduami. Maragsakankami a mangpasangbay kadakayo ditoy nga arena.”

Kinuna ni Nolasco Bathan, a brigadier general ken district director ti southern police district: “Nakaur-urnos ti pila dagiti delegado a sumrek iti arena. No kastoy ti kaorganisado ti amin, saankamin a kasapulan ditoy!”

Nakiddaw ken Teofilo Labe Jr., nga assistant security manager iti Manila Hotel, nga imonitorna ti pannakaurnos dagiti delegado sakbay ti tour-da. Nagobserbar ket kinunana: “No kiddawen ti management a graduak ti panangurnosyo iti ipapanaw dagiti delegado para iti tour-da, . . . nangatngato pay ngem excellent ti itedko a gradoyo. Nakaur-urnos ti grupoyo.”