Inton Oktubre 23, 2020, * nakaeskediul nga iyanunsio ti Oktyabrsky District Court iti Kirov ti sentensiana iti kaso ni Brother Anatoliy Tokarev. Posible a masentensiaan iti tallo ket kagudua a tawen a pannakaibalud.

• Anatoliy Tokarev

  Nayanak: 1958 (Baranovskaya, Kirov Region)

• Maipapan Kenkuana: Pinadakkel ni nanangna. Nagtrabaho kas software engineer sakbay a nagretiro. Pagay-ayatna ti agretrato, agay-ayam iti chess, ken agtokar iti akordion. Inkasarna ni Margarita idi 1979. Dua ti annakda

• Kalpasan a nagadal iti siensia, dina patien nga adda Dios. Idi agtawen iti 27, rinugianna ti nakipagadal iti Biblia kadagiti Saksi ni Jehova ket nabigbigna a saan a maikontra ti siensia iti patpatien dagiti Kristiano

Idi Mayo 24, 2019, sinerrek dagiti opisial ti Center for Countering Extremism ti Russia ti apartment dagiti Tokarev. Pinalutpotda ni Brother Tokarev. Binutbutengda nga idarumda ti pamiliana no dina aminen a makiramraman iti aramid dagiti “extremist.” Naipan ni Brother Tokarev iti departamento a pagimbestigaran tapno mapagsaludsodan.

Dandani lima a bulan kalpasanna, naakusar ni Brother Tokarev a nakaaramid iti krimen sigun iti dua nga artikulo ti Criminal Code of the Russian Federation. Supsuportaranna kano ti organisasion nga “extremist.” Ti prosecution us-usarenna dagiti audio recording a sekreto a nairekord iti apartment dagiti Tokarev tapno maakusarda ni Anatoliy iti panangorganisar kadagiti gimong a sadiay a maad-adal dagiti maiparit a publikasion dagiti “extremist.”

Ikarkararagantayo da Brother Tokarev ken ti pamiliana. Agtalektayo nga agtultuloy a “napudno” ni Jehova kadakuada.—Salmo 18:25.