MAYO 25, 2022
RUSSIA

UPDATE | “Awan ti Panggapuak a Malapunos iti Buteng”

I-PLAY

Idi Mayo 25, 2022, sinentensiaan ti Metallurgichesky District Court ti Chelyabinsk ni Brother Pavel Popov iti innem a tawen a suspendido a pannakaibalud. Saan pay a kasapulan a maibalud iti daytoy a tiempo.

Time Line

Marso 26, 2019

Sangapulo a lallaki a nakaabungot ken nakaawit iti machine gun ken maso ti nangserrek ken nangsukisok iti balay ni Pavel
Abril 22, 2021

Nairugi ti kaso kriminal
Mayo 18, 2021

Iti maikadua a gundaway, nagsukisok manen dagiti autoridad iti balay ni Pavel. Ti asawa ni Pavel a ni Yelena ken ti 13 anyos a balasitangda ket innalada tapno maimbestigaran
Agosto 31, 2021

Nainayon iti listaan dagiti terorista ken ekstremista
Nobiembre 29, 2021

Nangrugi ti pannakabista

Maipapan Kenkuana

Pavel Popov

Nayanak: 1977 (Novokuznetsk, Kemerovo Region)

Pakasaritaanna: Ubing pay idi nangrugi nga agsigarilio ken aginum iti arak gapu ta saan a naragsak ti pamiliada. Kinse anyosna idi naulila iti ama. Ti kangrunaan a trabahona ket panagwelding

Nagbalin nga interesado iti Biblia idi naammuanna ti kari maipapan iti biag nga agnanayon iti Paraiso. Nangrugi a makipagadal kadagiti Saksi ni Jehova idi 1994. Nagustuanna ti panagtutunos ti Biblia ken ti eksakto a pannakatungpal dagiti padto. Nabautisaran idi 1995

Nagkasarda ken Yelena idi 2003. Adda maysa a balasitangda

Personal a Komento

Ania ti nakatulong kenka a saan a malapunos iti buteng?

Imbaga ni Jesus a no maipantayo kadagiti agtuturay, masapul nga usarentayo dayta a gundaway a mangasaba. (Mateo 10:18) Nalabit saan a dayta ti kasayaatan ken gagangay a pamay-an ti panangasaba ngem tultulongannak ni Jehova ken dagiti kakabsat tapno maaramidko dayta. Isu a kombinsidoak nga awan ti panggapuak a malapunos iti buteng. . . . Iti kapadasak, dagiti pakasuotan ket kanayon a sarunuen dagiti bendision. No agpokusak iti nagan ti Dios ken iti Pagarianna, mapagballigiak ti aniaman a buteng wenno pannakaupay.

Ammotayo nga agtultuloy a suportaran ken gunggonaan ni Jehova dagiti matalek nga adipena a situtured nga agtaltalinaed a matalek uray adda pakasuotan.—2 Samuel 22:19-21.

Baka Kayatmo Met ti

DAMDAMAG

Naibalud Gapu iti Pammatida—Russia

Maibalbalud dagiti Saksi ni Jehova idiay Russia gapu iti pammatida. Ammuem ti pakasaritaanda, ken i-download-mo ti listaan dagiti agdama a nakabalud a Saksi.

DAMDAMAG