Ti Umuna a Cronicas 9:1-44
9 Nairehistro ti amin nga Israelita sigun iti kapuonanda, ket naisuratda iti Libro ti Ar-ari ti Israel. Naipanaw ti Juda kas balud idiay Babilonia ta saan a nagmatalek.+
2 Dagiti immuna a nagsubli iti sanikuada kadagiti siudadda ket sumagmamano nga Israelita, dagiti papadi, Levita, ken agserserbi iti templo.*+
3 Ken nagnaed idiay Jerusalem ti sumagmamano a kaputotan ni Juda,+ ni Benjamin,+ ni Efraim, ken ni Manases:
4 ni Utai nga anak ni Amihud nga anak ni Omri nga anak ni Imri nga anak ni Bani, iti kaputotan ni Perez+ nga anak ni Juda.
5 Kadagiti Silonita, ni Asaias nga inauna ken dagiti annakna.
6 Kadagiti annak ni Zera,+ ni Jeuel ken ti 690 a kakabsatda.
7 Kadagiti kaputotan ni Benjamin, ni Sallu nga anak ni Mesulam nga anak ni Hodavias nga anak ni Hasenua,
8 ni Ibneas nga anak ni Jeroham, ni Elah nga anak ni Uzi nga anak ni Mikri, ken ni Mesulam nga anak ni Sefatias nga anak ni Reuel nga anak ni Ibnias.
9 Dagiti kakabsatda iti linia ti kapuonanda ket 956. Amin dagitoy a lallaki ket ulo dagiti pamiliada.*
10 Kadagiti papadi, da Jedaias, Jehoiarib, Jakin,+
11 Azarias nga anak ni Hilkias nga anak ni Mesulam nga anak ni Zadok nga anak ni Meraiot nga anak ni Ahitub, a maysa a lider iti balay* ti pudno a Dios,
12 Adaias nga anak ni Jeroham nga anak ni Pasur nga anak ni Malkias, Maasai nga anak ni Adiel nga anak ni Jazera nga anak ni Mesulam nga anak ni Mesilemit nga anak ni Immer,
13 ken dagiti kakabsatda, dagiti ulo dagiti pamilia, 1,760 a nabileg ken makabael a lallaki nga agserbi iti balay ti pudno a Dios.
14 Kadagiti Levita, ni Semaias+ nga anak ni Hasub nga anak ni Azrikam nga anak ni Hasabias manipud iti annak ni Merari;
15 ken da Bakbakar, Heres, Galal, Matanias nga anak ni Mica nga anak ni Zikri nga anak ni Asaf,
16 ni Abdias nga anak ni Semaias nga anak ni Galal nga anak ni Jedutun, ken ni Berekias nga anak ni Asa nga anak ni Elkana, a nagnanaed iti nagyanan dagiti Netofatita.+
17 Dagiti parabantay iti ruangan+ ket da Salum, Akub, Talmon, ken Ahiman. Ni Salum a kabsatda ti pannakaulo,
18 ken isu idin ti adda iti ruangan ti ari iti daya.+ Dagitoy ti parabantay iti ruangan kadagiti kampo dagiti Levita.
19 Ni Salum nga anak ni Core nga anak ni Ebiasaf nga anak ni Kore, ken dagiti kakabsatna iti pamiliana, dagiti Korita, ti nangidaulo iti nadumaduma a trabaho, dagiti parabantay iti ruangan ti tolda, ket dagidi ammada ti nangbantay iti ruangan ti kampo ni Jehova.
20 Ni Finehas+ nga anak ni Eleazar+ idi ti liderda; adda idi kenkuana ni Jehova.
21 Ni Zacarias+ nga anak ni Meselemias ti parabantay iti ruangan ti tolda a pagkonsultaan.
22 Amin a napili kas parabantay iti ruangan kadagiti pagserkan ket agdagup iti 212. Addada kadagiti naited a pagnaedanda sigun iti listaan ti kapuonanda.+ Ni David ken ni Samuel a pumaparmata+ ti nangdutok kadagitoy iti akemda gapu ta mapagtalkanda.
23 Isuda ken dagiti annakda ti nangiwanwan iti panagbantay kadagiti ruangan ti balay ni Jehova,+ ti tabernakulo.
24 Adda dagiti parabantay iti ruangan iti uppat a direksion—iti daya, laud, amianan, ken abagatan.+
25 Masansan a kaduada nga agserbi iti pito nga aldaw dagiti kakabsatda nga aggapu kadagiti pagnanaedanda.
26 Adda idi uppat a panguluen* a parabantay iti ruangan a mapagtalkan. Levita dagitoy, ket isuda ti mangbantay kadagiti siled a pagidulinan* ken kadagiti gameng ti balay ti pudno a Dios.+
27 Agpatnag nga agbantayda iti aglawlaw ti balay ti pudno a Dios, ta isuda ti paraguardia ken paraiggem iti tulbek, ket binigat a lukatanda ti balay.
28 Dadduma kadakuada ti paraaywan kadagiti alikamen+ a mausar iti panagserbi. Bilangenda dagita no iserrekda sa bilangenda manen no iruarda.
29 Dadduma kadakuada ti nadutokan nga agaywan kadagiti alikamen, iti amin a nasantuan nga alikamen,+ ken iti napino nga arina,+ arak,+ lana,+ olibano,+ ken lana ti balsamo.+
30 Dadduma nga annak ti papadi ti paraaramid iti sapsapo a lana ti balsamo.
31 Ni Matitias a Levita, nga inauna ni Salum a Korita, ti nadutokan a mangaywan kadagiti banag a nailuto iti pariok.+
32 Dadduma a kakabsatda a Cohatita ti makinrebbeng iti napagtutuon a tinapay,*+ ket isaganada dayta iti tunggal sabbath.+
33 Dagitoy ti parakanta, dagiti ulo ti pamilia dagiti Levita kadagiti siled a pagidulinan,* ket saandan a naikkan iti sabali a trabaho; ta aldaw ken rabii a dayta ti rebbengenda.
34 Dagitoy ti ulo dagiti pamilia dagiti Levita sigun iti linia ti kapuonanda, dagiti panguluen a lallaki. Nagnaedda idiay Jerusalem.
35 Nagnaed idiay Gibeon ni Jeiel nga ama ni Gibeon.+ Ni Maaca ti asawana.
36 Ni Abdon ti inauna nga anakna, ket simmaruno da Zur, Kis, Baal, Ner, Nadab,
37 Gedor, Ahio, Zacarias, ken Miklot.
38 Ni Miklot ti ama ni Simeam. Nagnaedda amin iti asideg dagiti kakabsatda idiay Jerusalem, agraman ti dadduma pay a kakabsatda.
39 Ni Ner+ ti ama ni Kis; ni Kis ti ama ni Saul;+ ni Saul ti ama da Jonatan,+ Malki-shua,+ Abinadab,+ ken Esbaal.
40 Ni Jonatan ti ama ni Merib-baal.+ Ni Merib-baal ti ama ni Mikias.+
41 Ti annak ni Mikias ket da Piton, Melek, Tarea, ken Ahaz.
42 Ni Ahaz ti ama ni Jara; ni Jara ti ama da Alemet, Azmavet, ken Zimri. Ni Zimri ti ama ni Moza.
43 Ni Moza ti ama ni Binea, nga ama ni Refaias, nga ama ni Eleasa, nga ama ni Azel.
44 Adda innem nga annak ni Azel—da Azrikam, Bokeru, Ismael, Searias, Abdias, ken Hanan. Dagitoy ti annak ni Azel.
Footnotes
^ Wenno “Netineo.” Lit., “dagidiay naipaay.”
^ Lit., “ulo dagiti amma iti balay dagiti ammada.”
^ Wenno “templo.”
^ Wenno “siled a panganan.”
^ Lit., “nabileg.”
^ Kayatna a sawen, ti pamarang a tinapay.
^ Wenno “siled a panganan.”
