Ezekiel 15:1-8
-
Jerusalem, awan serserbina a puon ti ubas (1-8)
15 Kinuna manen kaniak ni Jehova:
2 “Anak ti tao, ania koma ti puon ti ubas no ikompara iti sabali a kayo wenno iti sanga dagiti kayo iti kabakiran?
3 Mabalin kadi a pagtrabaho ti kayo a maala iti dayta? Wenno aramiden kadi dayta dagiti tattao a pasok a pagibitinan iti alikamen?
4 Naipuruaken iti apuy kas sungrod, ket ibusen ti apuy ti agsumbangir nga ungtona ken mauram ti tengngana. Mabalin pay kadi nga usaren iti aniaman a trabaho?
5 Uray no saan a napuoran, awanen ti usarna. Anianto la ketdin no mauram ken ibusen dayta ti apuy!”
6 “Gapuna, daytoy ti kinuna ti Kangatuan* nga Apo Jehova: ‘Kas iti puon ti ubas iti tengnga dagiti kayo iti kabakiran, nga intedko kas sungrod iti apuy, kastanto met ti aramidek kadagiti agnanaed iti Jerusalem.+
7 Busorek idan. Nakalasatda iti apuy, ngem ibusento ida ti apuy. Ket maammuanyonto a siak ni Jehova inton busorek ida.’”+
8 “‘Baybay-akto ti daga+ ta saanda a nagmatalek,’+ kuna ti Kangatuan nga Apo Jehova.”
Footnotes
^ Wenno “Soberano.”
