Habakuk 3:1-19
3 Ti kararag ni propeta Habakuk, a naidung-aw:*
2 O Jehova, nangngegko ti damag maipapan kenka.
Nasdaawak iti aramidmo, O Jehova.
Biagem dayta bayat dagiti tawen!*
Ipakaammom dayta bayat dagiti tawen.*
Lagipem koma ti mangngaasi bayat ti riribuk.+
3 Immay ti Dios manipud Teman,Daydiay Nasantuan manipud Bantay Paran.+ (Selah)*
Naabbongan ti langit iti kinadayagna;+Napno ti daga iti pannakaidaydayawna.
4 Ti kinaraniagna ket kas iti lawag.+
Dua a raya ti nagsilnag iti imana,A nakailemmengan ti pigsana.
5 Adda makapapatay a sakit iti sanguananna,+Ken sumursurot iti sakana ti nakaro a gurigor.
6 Nagsardeng ket ginunggonna ti daga.+
Pinalagtona dagiti nasion babaen ti ikikitana.+
Nargaay dagiti natibker a bantay,Nagrukob dagiti nabayagen a turod.+
Kukuana dagiti nagkauna a dalan.
7 Nakakitaak iti riribuk kadagiti tolda ti Cusan.
Nagpigerger dagiti lupot ti tolda iti daga ti Midian.+
8 Maibusor kadi kadagiti karayan, O Jehova,Maibusor kadi kadagiti karayan ti nakaro nga ungetmo?
Wenno maibusor iti baybay ti pungtotmo?+
Ta nagsakayka kadagiti kabaliom;+Nagballigi* dagiti karuahem.+
9 Naasut ken nakasagana ti panam.
Nadutokan dagiti baston* babaen ti sapata.* (Selah)
Ginuduam ti daga babaen kadagiti karayan.
10 Agtirtiritir iti ut-ot dagiti bantay idi nakitadaka.+
Nagayus ti napigsa a tudo iti daga.
Nagungor iti napigsa ti adalem a danum.+
Inngatona dagiti imana.
11 Saan a nagkutkuti ti init ken bulan iti nangato nga ayanda.+
Naibiat dagiti panam a kas iti lawag.+
Naggilap a kasla kimat ti pikam.
12 Sipupungtot a nagmartsaka iti daga.
Impayatpayatmo* dagiti nasion gapu iti ungetmo.
13 Rimmuarka a mangisalakan iti ilim, tapno isalakanmo daydiay dinutokam.
Pinarmekmo ti lider* ti balay dagiti dakes.
Naipakita ti pundasion agingga iti ngato.* (Selah)
14 Sinalputmo ti ulo dagiti mannakigubatna babaen ti armasna*Idi nagtignayda a kas bagyo a nangiwarawara kaniak.
Napalalo ti ragsakda a mangalun-on a sililimed iti naparigatan.
15 Pinataraymo dagiti kabaliom iti baybay,Iti dadakkel a dalluyon ti taaw.
16 Nangngegko ket nagpigerger ti unegko;*Nagtigerger ti bibigko gapu iti damag.
Kimmapuy dagiti tulangko;+Agpigpigerger dagiti sakak.
Ngem siuulimek nga inurayko ti aldaw ti rigat,+Ta dumteng dayta iti tattao a mangraut kadatayo.
17 Uray saan nga agsabong ti kayo a higos,Ken awan ti bunga dagiti puon ti ubas;Uray saan nga agbunga ti kayo nga olibo,Ken awan ti taraon a maapit kadagiti talon;*Uray no mapukaw ti animal iti kulongan,Ken awan ti baka kadagiti kuadra;
18 Ngem no siak, agragsakakto ken Jehova;Agrag-oakto iti Dios a mangisalakan kaniak.+
19 Ni Jehova a Kangatuan* nga Apo ti bilegko;+Pagbalinennanto dagiti sakak a kas kadagiti saka ti ugsaKen pagtarayennak kadagiti nangato a disso.+
Footnotes
^ Wenno “kas kanta ti panagladingit.”
^ Wenno mabalin nga, “iti tiempotayo.”
^ Wenno mabalin nga, “iti tiempotayo.”
^ Wenno “Naisalakan.”
^ Wenno mabalin a, “pana.”
^ Wenno mabalin a, “Naibaga ti sapata dagiti tribu.”
^ Lit., “Inirikmo.”
^ Lit., “ulo.”
^ Lit., “tengnged.”
^ Lit., “bastonna.”
^ Lit., “nagkibur ti tianko.”
^ Wenno “natukantukad a talon.”
^ Wenno “Soberano.”