Isaias 10:1-34
10 Kaasi pay dagidiay mangar-aramid kadagiti makadadael a regulasion,+A kanayon a mangar-aramid kadagiti mangirurumen a bilin,
2 Tapno mabaybay-an ti kaso ti napanglaw,Tapno mapaidaman iti hustisia dagiti nanumo iti ilik,+Nga al-alaenda ti sanikua dagiti balo,Agraman dagiti awanan ama nga ubbing!*+
3 Anianto ti aramidenyo iti aldaw ti panagsingir,*+Inton dumteng ti pannakadadael manipud adayo?+
Asinonto ti pagkamangan ken pagpatulonganyo,+Ken pangibatianyo iti kinabaknangyo?*
4 Awan ti maaramidanyo no di kumleb a kadua dagiti baludWenno matay a kadua dagiti napapatay.
Maigapu amin kadagitoy, saanna nga imbabawi ti pungtotna,No di ket nakalayat pay laeng ti imana tapno mangdusa.+
5 “Kitaenyo, ti Asiriano,+Ti pang-or a mangyebkas iti pungtotko+Ti sarukod iti imada a mangipakat iti pannusak!
6 Ibaonkonto maibusor iti apostata a nasion,+Maibusor iti ili a namagpungtot kaniak;Bilinekto a mangala iti adu a samsamKen ipayatpayatna ida a kas iti pitak kadagiti kalsada.+
7 Ngem saannanto nga aramiden daytaKen saanto a kasta ti panggepen ti pusona;Ta panggep ti pusona ti mangibus,Mamagpatingga iti adu a nasion, saan laeng a sumagmamano.
8 Ta kunana,‘Saan aya nga ari ti amin a prinsipek?+
9 Saan aya nga agpada ti Calno+ ken Carkemis?+
Saan aya nga agpada ti Hamat+ ken Arpad?+
Saan aya nga agpada ti Samaria+ ken Damasco?+
10 Inagawko dagiti pagarian dagiti awan serserbina a dios,Nga ad-adu ti kinitikitan nga imahenda ngem iti adda iti Jerusalem ken Samaria!+
11 Saankonto met kadi nga aramiden iti Jerusalem ken kadagiti idolonaTi kas iti inaramidko iti Samaria ken kadagiti awan serserbina a diosna?’+
12 “Inton malpas ni Jehova ti amin nga aramidenna iti Bantay Sion ken iti Jerusalem, dusaennanto* ti ari ti Asiria gapu iti natangken a pusona ken iti napannakkel ken napangas a panagkitkitana.+
13 Ta kinunana,‘Aramidek daytoy babaen ti bileg ti imakKen babaen ti siribko, ta masiribak.
Ikkatekto ti pagpatinggaan dagiti ili+Ken alaekto dagiti gamengda,+Ket kas iti maysa a mannakabalin parmekekto dagiti agnanaed.+
14 Kas iti tao a manggaw-at iti maysa nga umok,Agawento ti imak ti sanikua dagiti umili;Ket kas iti maysa a mangurnong kadagiti napanawan nga itlog,Urnongekto ti intero a daga!
Awanto ti billit nga agkayabkab, agnganga, wenno agtagari.’”
15 Agpasindayagto aya ti wasay iti daydiay mangusar iti dayta?
Agpasindayagto aya ti ragadi iti daydiay mangaramat iti dayta?
Maingato aya ti sarukod+ daydiay nangipangato iti dayta?
Wenno maingato aya ti pang-or daydiay mangig-iggem iti dayta?
16 Gapuna, ti pudno nga Apo, ni Jehova a panguluen dagiti armada,Pakuttongennanto dagiti nalukmeg,+Ket mangpasgedto iti apuy iti baba ti dayagna.+
17 Agbalinto nga apuy+ ti Silaw ti Israel,+Ken agbalin nga apuy Daydiay Nasantuanna;Gumil-ayabto a mangibus kadagiti ruot ken siitan a kayona iti maysa nga aldaw.
18 Naan-anayto nga ikkatenna ti dayag ti bakir ken hardinna;Kaslanto iti agkakapuy a masakit a tao.+
19 Bassitto ti mabati a kayo iti bakirnaNga uray la kabaelan a bilangen ti maysa nga ubing.
20 Iti dayta nga aldaw, dagidiay nabati iti IsraelKen dagiti nakalasat iti sangakabbalayan ni JacobSaandanton nga agpannuray iti daydiay nangkabil kadakuada;+No di ket agpannuraydanto ken Jehova,Daydiay Nasantuan ti Israel, buyogen ti kinamatalek.
21 Dagiti laeng natda ti agsubli,Ti natda ken Jacob, iti Mannakabalin a Dios.+
22 Ta nupay dagiti umilim, O Israel,Ket kas kadagiti darat iti baybay,Dagiti laeng natda kadakuada ti agsubli.+
Naikeddeng a maibusda,+Ket lapunosento ida ti hustisia.*+
23 Wen, ti panangikisap nga inkeddeng ti Kangatuan nga Apo, ni Jehova a panguluen dagiti armada,Ket maaramidto iti intero a daga.+
24 Gapuna, daytoy ti kinuna ti Kangatuan* nga Apo, ni Jehova a panguluen dagiti armada: “Dikay agbuteng, O ilik nga agnanaed iti Sion, gapu iti Asiriano, a nangpang-or ken nangilayat iti sarukodna+ kadakayo a kas inaramid ti Egipto.+
25 Ta mabiiten nga agpatingga ti pannusa; ket madadaeldanto gapu iti pungtotko.+
26 Mangiwasawasto ni Jehova a panguluen dagiti armada iti saplit maibusor kenkuana,+ kas idi inabakna ti Midian iti abay ti bato ni Oreb.+ Addanto ti sarukodna iti rabaw ti baybay, ket ingatonanto dayta kas inaramidna iti Egipto.+
27 Iti dayta nga aldaw, maikkatto ti awitna iti abagam,+Ken ti insangolna iti tengngedmo,+Ket matukkolto ti sangol+ gapu iti lana.”
28 Napan idiay Aiat;+Limmasat idiay Migron;Indulinna idiay Mikmas+ dagiti kargana.
29 Limmasatda iti pagballasiwan;Imyanda idiay Geba;+Nagpigerger ti Rama, pimmanaw ti Gibea ni Saul.+
30 Agpukkaw ken agikkiska, O anak a babai ti Galim!
Dumngegka, O Laisa!
O kaasi nga Anatot!+
31 Nagtalaw ti Madmena.
Nagkamang dagiti agnanaed iti Gebim.
32 Agsardeng idiay Nob ita met laeng nga aldaw.+
Ilayatna ti imana iti bantay ti anak a babai ti Sion,Ti turod ti Jerusalem.
33 Ti pudno nga Apo, ni Jehova a panguluen dagiti armada,Lumanipak ti panangsip-akna kadagiti sanga;+Mapukpukan dagiti natayag a kayo,Ket maipababa dagiti natan-ok.
34 Pukanenna dagiti nasamek a paset ti bakir babaen ti alikamen a landok,*Ket rebbaen ti maysa a mannakabalin ti Lebanon.
Footnotes
^ Wenno “ulila.”
^ Wenno “panangdusa.”
^ Wenno “dayagyo.”
^ Lit., “dusaekto.”
^ Wenno “pannusa.”
^ Wenno “Soberano.”
^ Wenno “wasay.”
